Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы АБШ вә сионист гүввәләрин тәһдидләринә ҹаваб олараг бәзи авропа өлкәләринә ембарго гојараг өз нетинин сатышыны мүвәггәти олараг дајандырды. Елә һәмин ҝүндән бәри авропа бирлијиндә бөјүк игтисади проблемләрин јаранмасынын шаһиди олдуг.
Иран Ислам Республикасынын бу аддымы дүнја базарында да нефтин гијмәтинин сүрәтлә баһлашмасына ҝәтириб чыхартды. Лакин Чинин Иран Ислам Республикасы нефт танкерләринин сығорталамасы илә бағлы гәрар вермәси дүнја базарында нефтин гијмәтинин јенидән дүшмәсинә сәбәб олуб.
Чинин бу аддымы Иран Ислам Республикасы нефтинин Асијадакы алыҹыларынын нараһатчылығыны да арадан галдырыб.
Гејд едәк ки, Иран Ислам Республикасы Милли Нефт Ширкәтинин һесабатына ҝөрә, 2012-ҹи ил мартын 16-да Ислам Республикасы јүнҝүл дәрәҹәли нефтинин бир барелини Гәрби Авропада вә Ҹәнуб Африкада мүвафиг олараг 123,06 доллар вә 122,80 доллар дәјәриндә сатыша чыхарыб.
Иран Ислам Республикасынын ағыр дәрәҹәли нефтинин бир барели исә Авропа вә Африка гитәсиндә мүвафиг олараг 121,71 доллар вә 121,45 доллара сатылыб.
Диггәт: Хәбәрдән истифадә етдикдә мәнбәјә истинад лазымдыр
