Әһли Бејт -АБНА- хәбәр аҝентлијинин вердији хәбәрә әсасән Мисирдә нәшр олунан һөкмәтјөнлү «Әл Әһрам» гәзети сөзүн һәгиги мәнасында шок ачыглама илә чыхыш едиб. Гәзетин јаздығына ҝөрә, АБШ-ын малијјәләшдирдији фондлардан биринин офисиндә һәјата кечирилән ахтарыш заманы, полисин әлинә Гәрбин бөлҝәни неҹә парчалајаҹағына даир хәритә кечиб.
Һәмин мәлуматда вурғуланыр ки, бу хәритәни Пентагонун сифариши илә мәшһур тарихчи, Пристон Университетинин профессору Бернард Луис һазырлајыб. Планын ады исә «Леҝитим Ислам дүнјасыны өлкәләрә парчаламаг» адланыр.
Рус експерт Станислав Тарасов «Реҝнум» Аҝентлијинә јазды мәгаләсиндә һәмин хәритәнин деталларыны ачыглајыб. Орада биринҹи ваҹиб мәсәлә Бөјүк Күрдистан дөвләтинин јарадылмасы ҝөстәрилиб. «Бөјүк Күрдистанын тәркибинә тәкҹә Шимали Ирагдакы Күрдистан Мухтаријјәти дејил, Мосул, Кәркүк, Түркијә, Иран, Сурија, Ермәнистан вә Азәрбајҹан әразиләринин бир һиссәси дә дахил едилир. Ону да хатырладаг ки, артыг Гәрб мәтбуаты Ирагдан Азәрбајҹана күрдләрин һиссә-һиссә көчүрүлдүјүнә даир хырда-хырда мәлуматлар јајырлар».
Станислав Тарасов хәритә илә бағлы фикирләрини ачыглајараг иддиа едир ки, Иран проблеми Гәрб тәрәфиндән чөзүлдүкдән сонра бу өлкә парча-парча едиләҹәк.
Суријанын агибәтинә ҝәлдикдә исә рус експерт јазыр ки, бу өлкә дә бир нечә бөлҝәјә бөлүнәҹәк. «Суријаны парчалајараг, бир нечә јерә бөләҹәкләр. Һәмин бөлүнмә нәтиҹәсиндә шиә вилајәти, мәркәзи Һәләб олан сүнни дөвләти, мәркәзи Дәмәшг олан икинҹи сүнни дөвләти, друзларын дөвләти (Бура Һолан тәпәләри, Иорданија вә Ливанын гәрби дахилдир) јарадылаҹаг. Мәһз бу сәбәбдән дә Ливија вә Тунисин әлә кечирилмәси лазым олдуғу үзә чыхыр. Чүнки онларын әлдә едилмәси јени ҝеосијаси мәканын ортаја чыхмасына сәбәб олаҹаг».
Бөјүк Күрдистан дөвләтинин јарадылмасына ҝәлдикдә исә експертләр Гәрбин бунунла бағлы планынын олдуғуну мүмкүн сајырлар. Онлар гејд едирләр ки, Түркијә, Иран вә Ирагдакы күрдләрин јашадығы әразиләри бирләшдирдикдә, бөлҝәдә јени бир дөвләтин формалашдырылмасы мүмкүндүр.
Диггәт: Хәбәрдән истифадә етдикдә мәнбәјә истинад лазымдыр
