Диггәт! Диггәт! Диндарларын нәзәринә: Гапыларынызы ачыг гојун! Әҝәр евиниздән силаһ чыхмасыны истәмирсинизсә. Ҹибләри тәрсинә чевириб ҝәзин! Әҝәр ҹибләриниздән Һероин чыхмасыны истәмирсинизсә.
Намазларынызы әрәб дилиндә јох, башга дилләрдә гылын вә “Алаһу-Әкбәр” әвәзинә “Аропа-Гәрб Зырпыдыр” дејин, әҝәр фанат адыны алмаг истәмирсинизсә. Јаған гарлары, јағышлары, зәлзәләләри, ај-ҝүнәш тутулмаларыны атын диндарларын, мүхалифәтин, ја да ки ән јахшысы будур, Иранын үстүнә, әҝәр вәзифә истәјирсинизсә.
Һиҹабы писләјин, намазы “гараҝуруһ, тәсирә дүшмүшләр гылыр" дејин, әҝәр габаға ҝетмәк истәјирсинизсә.Бәли, јашанан тенденсија будур.
Артыг валидејнләр шејтандан јох, диндардан горхур ки, мәсҹидә ҝетсә, диндарла достлуг етсә, өвладлары әлдән ҝедәҹәк.
Һазырда өлкәмиздә ән горхулу, тәһлүкәли јер мәсҹидләр һесаб олунур. Иш јерләринин әксәријјәтиндә диндарлар намазларыны ҝизләдир ки, ишләрини итирмәсинләр.
“Делосу”нда “намаз гылыр, оруҹ тутур” сөзләри јазылан адамлар горхулудур, нәинки “делосу”нда “спитли ички гәбул едир, рүшвәт алыр” ҹүмләси јазылан инсанлар.
Чүнки, икинҹиләр даһа әлверишлидир, һәм өзү јејәҹәк, һәм дә једиздирәҹәк. Бәли, ҝизләдин намазларынызы, гапыларынызы ачыг гојун, ҹибләринизи тәрсинә чевирин. Јохса ја Ирана ишләјән, ја дини дөзүмлүлүјү олмајан инсан, ја да ки, ҹасус адланаҹагсыныз. Бахын, ја о, ја бу.
Вүсал Һәтәмов
Диггәт: Хәбәрдән истифадә етдикдә мәнбәјә истинад лазымдыр
