Әһли Бејт -АБНА- хәбәр аҝентлијинин вердији хәбәрә әсасән "Инсан Һаглары Уғрунда" Иҹтимаи Бирлијинин сәдри Ејнулла Фәтуллајев өтән ил Тәһсил Назирлији гаршысында һиҹаба гадағаја күтләви етираз аксијасында иштирак етдикләринә ҝөрә һәбс едилмиш бир сыра мәһкумлара баш чәкиб.
Бу барәдә Ејнулла Фәтуллајев КИВ-ә мәлумат вериб. О дејиб ки, 16 сајлы ҹәзачәкмә мүәссисәсиндә сахланан исламчы-мәһкумлар Исмајылов Тәрлан, Мәммәдов Һәсән, Исмајылов Араз, Абдуллајев Маис, Нуријев Рүфәт, Мәммәдов Низами, Вәлигулијев Рәшад сахланма шәраити илә бағлы һәр һансы бир шикајәт тәгдим етмәсәләр дә, һәбсләрини вә мәһкум олунмагларыны сијаси мотивләрлә бағлајырлар вә дәрһал азад олунмагларыны тәләб едирләр. Бу мәһкумлар тәәссүфлә билдирдиләр ки, Амнестј Интернатионал тәшкилаты индијәдәк онлары виҹдан мәһбусу гисминдә танымајыб.
Е.Фәтуллајев мәһкумлара билдириб ки, Авропа Шурасы Парламент Ассамблејасынын сијаси мәһбуслар үзрә мәрузәчиси К.Штрассер бу шәхсләри еһтимал едилән сијаси мәһбус гисминдә таныјараг, онларын ишләринин јенидән арашдырылмасыны зәрури сајыр.
Диггәт: Хәбәрдән истифадә етдикдә мәнбәјә истинад лазымдыр
