Әһли Бејт -АБНА- хәбәр аҝентлијинин вердији хәбәрә әсасән Әрдәбилин имам ҹүмәси һөҹҹәтүл-ислам вәл-мүслимин Сејид Һәсән Амили бу һәфтәки ҹүмә намазынын хүтбәләриндә әхлагсызлығын тәрвиҹи олан Еуровисион мүсабигәсинин Азәрбајҹан Республикасында кечирилмәсинә вә ҝәлән ајдан башлајараг Авропалы һомосексуалларын Бакы күчәләриндә јарычылпаг вә гејри-мүнасиб палтарларда ҝејпарад кечирмәсинә ишарә едәрәк деди: "Ислам Пејғәмбәри (с) бу дәстәни ләнәтләмишдир. Бу дәстәдән дә пис онларын чиркин вә Лут гөвмүнүн әмәли олан ишләрини һәјата кечирмәси үчүн васитә вә шәраит јарадан кәсләри ләнәтләјибдир.
Азәрбајҹан һөкумәтинин бу аддымы Аллаһ вә Пејғәмбәрлә (с) дүшмәнчилик вә Гураны ајаг алтда гојмагдыр. Мән, бу аддым мүнасибәтилә Азәрбајҹан халгына башсағлығы верирәм".
О, Азәрбајҹан Республикасы президентинин һәјат јолдашы Меһрибан Әлијеванын америкалы кешишин кечән ил Гураны јандырмасыны писләмәсинә ишарә едиб, бу һәрәкәтинә ҝөрә она (Меһрибан Әлијеваја) тәшәккүрүнү билдирәрәк деди: "Демәли, һәр бир мүсәлманын дүнјанын һарасында јашамасындан асылы олмајараг анти-Ислам һәрәкәтләри писләмәјә һаггы вардыр вә бу башга өлкәнин ишләриндә дәхаләт етмәк дејил. Она ҝөрә дә мәним дә шиә өлкәси олан Азәрбајҹанда Гуран ајәләринин тапдаланмасына етиразымы билдирмәјә һаггым вардыр. Бу башга өлкәнин ишләринә дәхаләт адланмыр. Биз бу өлкәнин вә онун мүсәлман халгынын хејрини истәјәнләрик вә хејирхаһлыг үзүндән бу мәсәләләри дејирик.
Азәрбајҹан Республикасы бу мүсабигәни кечирмәјә индијә кими милјардларла доллар хәрҹләмиш вә һәлә дә хәрҹләмәкдәдир. Бу мүсабигәнин даһа да јүксәк сәвијјәдә кечирилмәси үчүн тиҹарәтчиләрдән тутмуш мәктәб шаҝрдләринә гәдәр һамыдан јардым топланыр. Дөвләт әҝәр бу хәрҹи Гарабғын азадлығы јолунда хәрҹләсәјди мәсәләнин ҝедишиндә артыг чохлу проблемләри һәлл етмиш оларды, бәлкә дә артыг буну һәлл етмишди".
Авропа бу мөвзудан вә Еуровисионмүсабигәсинин Азәрбајҹанда кечирилмәсиндән бу өлкәни даһа артыг тәзјиг етмәк үчүн истифадә едир. Авропа мүсабигәнин кечирилмәси үчүн Итлијаны алтернатив мәкан кими сечмишдир ки, Азәрбајҹана даһа артыг тәзјиг етсин, ҹинси азадлыг, едамын ләғви, һомосексуаллыг вә с. кимиистәкләринин јүксәк сәвијјәдә вә раһатлыгла һәјата кечмәсини бу өлкәјә јеридә билсин. Азәрбајҹан һөкумәти бу мүсабигәнин Бакыда кечирилмәсинин баш тутмамасындан горхараг һәр бир зилләтә разы олур. Бу үздән дә ҝөрүрсүз ки, Франсада ермәни сојгырымыны инкар едәнләрин ҹәзаландырылмасы ганунунун гәбул етмәси гаршысында сусду вә бу барәдә азаҹыг да олса белә рәсми реаксија вермир.
Азәрбајҹан дөвләти бу тәзјигләрлә гаршылашыб, сыхылдыгда ојуну гатыр. Она ҝөрә дә ҝөрүрсүнүз ки, Иран Ислам Республикасыны Бакыда ишғалчы Исраил режиминин сәфәринә суи-гәсд вә диҝәр террор әмәлијјатларынын һазырланмасында иттиһам едирләр.
Диггәт: Хәбәрдән истифадә етдикдә мәнбәјә истинад лазымдыр
