Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасынын Атом Енержиси Тәшкилатынын рәһбәри Фирудин Аббаси шәнбә ҝүнү Бәндәр-Аббас шәһәриндә нүвә технолоҝијалары үзрә сәрҝинин ачылышында бәјанат вериб.
О, билдирибИран Ислам Республикасы нүвә енержиси илә бағлы хидмәтләри ихраҹ етмәјә һазырдыр.
Тәшкилатын рәһбәри дејиб ки, Иран Ислам Республикасы артыг тибдә истифадә олунан ағыр су (дејтериум оксиди) истеһсал едә биләр.
Аббаси әлавә едиб ки, әлдә олунмуш сон наилијјәтләрә әсасән өлкә уранын 20 фаизәдәк зәнҝинләшдирилмәсинә наил олаҹаг.
Онун сөзләринә ҝөрә, Гум шәһәри јахынлығындакы уранын зәнҝинләшдирилмәси үзрә "Фордо" мүәссисәси јахын ҝәләҹәкдә фәалијјәтә башлајаҹаг.
Иран Ислам Республикасы уранын зәнҝинләшдирилмәси програмыны БАЕА ганунлары чәрчивәсиндә вә сүлһмәрамлы мәгсәдләр үчүн давам етдирәҹәјини билдирир. Һазырда Иран Ислам Республикасында ики нүвә реактору фәалдыр, Бушәһр нүвә стансијасы үчүн 3,5 фаиз зәнҝинләшдирилмиш урандан истеһсал олунмуш јанаҹаг вә Теһранын Әмирабад реактору үчүн 19,75 фаизлик уран јанаҹағы лазымдыр.
Диггәт: Хәбәрдән истифадә етдикдә мәнбәјә истинад лазымдыр
