Әһли Бејт -АБНА- хәбәр аҝентлијинин вердији хәбәрә әсасән: Тәбриздә кечирилән тәдбирдә Иран Ислам Республикасынын Шәрги Азәрбајҹан вилајәтинин валиси Әлирза Бејҝи билдириб: “Азәрбајҹан Исраил вә АБШ-а архаланмагла Гарабағын азадлығына чалышыр. Бу сијаси ҹәһд баш тутмајаҹаг”
О билдириб ки, Азәрбајҹан Республикасынын торпагларынын 20 фаизи Ермәнистан тәрәфиндән ишғал едилиб, Азәрбајҹан халгы исә бу вәзијјәтлә барыша билмир: “Тәәссүф ки, Азәрбајҹан дөвләти ишғал олунмуш әразиләри гајтармаг үчүн дүзҝүн јол сечмәјиб. Гарабағын азадлығынын јеҝанә јолу Азәрбајҹан дөвләтинин Имам Һүсејн мәктәбинә гајыдышындадыр. Лакин тәәссүфләр олсун ки, Азәрбајҹан Республикасы гәфләтдәдир вә мәктәбләрдә һиҹаб гадағасы вә Мәһәррәм ајында әзадарлыг кечирмәк истәјәнләрә гаршы мәһдудијјәтләр јаратмаг кими аддымларла өлкә шиәләринә әзијјәт верир”.
Ә. Бејҝи Азәрбајҹанын рәсми шәхсләри илә бу мәсәләләрә даир мүзакирәләр апардыгларыны да сөјләјиб.
Диггәт: Хәбәрдән истифадә етдикдә мәнбәјә истинад лазымдыр
