Бу или дә белә јола вердик. Һәлә ил башлајанда 2011-ҹи илин Гарабағын азад олунаҹағы ил адландырырдылар. Амма дејәсән алынмады
Ејби јох јәгин “залым оғлу ЛАЗЫМ” һәлә ҝәлиб чыхмајыб. Һәр ил башлајанда бөјүкдән тутмуш, кичијә гәдәр “ЛАЗЫМ”ы чағырырыг. Амма дејәсән бу анҹаг дилдәдир. Бизим Гарабағы ҝери гајтармаг фикримиз јохдур. Инди бу ҹүмләни охујан һәр кәс дејәҹәк ки, “јох сән данышырсан, лазым ҝәлсә Вәтән уғрунда ҹанымызы да верәрик.” Бах јенә дә “ЛАЗЫМ” ҝәлсә. Демәли бизим бүтүн проблемләримизин һәлли “ЛАЗЫМ”ын ҝәлмәјинә бағлыдыр. О да ки...
Инди дә ҝәлин бир аз да “ЛАЗЫМ”ы ҝөзләмәјәнләрдән данышаг. Бәли, тәәҹҹүбләнмәјин биздә белә инсанлар да вар. Башлајаг лап әввәлдән.
Рамил Сәфәров - “ЛАЗЫМ”ы ҝөзләмәдән Азәрбајҹанын гејрәт символу олан бајрагла ајағыны силән Гургени о дүнјалыг еләди.
Мүбариз Ибраһимов – да “ЛАЗЫМ”ы ҝөзләмәди. Ермәниләрин үзәринә ҝедәрәк, онлара әмәлли-башлы бир дәрс верди. Шәһид олду.
Фәрид Әһмәдов, Әһмәд Абдуллајев дә онун кими.
Бу белә...
Инди дә кечәк диҝәр мәсәләјә. 2011-ҹи ил башлајан кими һәлә әсасы 2010-ҹу илдә гојулан “һиҹаб сијасәти” давам етдирилди вә буна “ЛАЗЫМ”ы ҝөзләмәдән һаҹы Мөвсүмләр, Һаҹы Вагифләр, Сејјид Фәрамизләр, Һаҹы Абҝүлләр, Һаҹы Талеләр, Руфулла Ахундзадәләр галхды.
“ЛАЗЫМ”ы ҝөзләмәјәнләрин ахыры исә зиндан олду. Рамин Сәфәровдан башлајараг. Сејјид Мүбариз, шәһид Фәрид вә Әһмәд исә бу фани дүнја илә видалашдыгларына ҝөрә исә онлара “ЛАЗЫМ”ы ҝөзләмәдикләринә ҝөрә һәбс гисмәт олмады...
P.S. Амма биз һәлә дә “ЛАЗЫМ”ы ҝөзләјирик. Демәли “ЛАЗЫМ” бизә бу гәдәр лазымдыр.
Әли Ҹәфәри
Диггәт: Хәбәрдән истифадә етдикдә мәнбәјә истинад лазымды
