ССРИ дөврүндә Сумгајытда Үмумиттифаг Елми Тәдгигат Кимја Автоматика институту варды, кимја мүәссисәләри үчүн елми лајиһәләр вә төвсијәләр һазырлајырды. Институтун јарадыҹысы вә гуруҹусу профессор Әсҝәр Абдуллајев иди. Сәһв етмирәмсә, Р.Әлијев дә нә вахтса о институтда ишләјиб.
әввәли өтән сајларымызда
60-ҹы илләрдә Әсҝәр мүәллим республикада автоматика саһәсиндә илк азәрбајҹанлы елмләр доктору иди. 60-ҹы илләрин әввәлләриндә, 35 јашында Азәрбајҹан Елмләр Академијасынын мүхбир үзвү сечилди.
Сонра мәлум олду ки, о Азәрбајҹан Али Советинин кечмиш сәдри Мәммәд Исҝәндәровла бир кәнддәндир. Ҝорус рајонунун Ејвазлы кәндиндән олан Әсҝәр Абдуллајев 70-ҹи илләрдән сонра арзуолунмаз шәхсә чеврилди.
Докторлуг мүдафиә етмәдән академик олмаг
Ҹәмил мүәллим, мән бунлары гејд етмәклә јени хәбәр вермирәм. Белә баханда, Академија үзвү сечилән, Ағдам рајонундан олан тарихчи Ҹәмил Гулијев һеч докторлуг да мүдафиә етмәмишди. Һәлә ҝәлиб Азәрбајҹан Елмләр Академијасынын витсе-президенти дә сечилди. Елә о бири витсе-президент Нәриман Гулијев дә елмләр намизәди ола-ола Академијаја мүхбир үзв сечилди.
Бәли бу, 70-ҹи илләрин реаллыглары иди. Сәнин һеч дипломун да олмаја биләрди, анҹаг һагга, әдаләтә, инсанлыға, милли варлыға гәним кәсилә билсәјдин бүтүн гапылар үзүнә ачыг оларды.
Һејфләр олсун ки, Азәрбајҹан буҝүн Рафиг Әлијевлә дејил, Фикрәт Әлијевлә бирдир...
Ришхәнд мәнбәји олан академик титуллары
Шәхсијјәтини уҹуз тутан, сәриштәсиз, елм јолуну газанҹ мәгсәдинә чевирәнләрин зәманәсиндә инсанлыға јер јохдур. Ҹәмил мүәллим чох һаглы јазыр ки, Фикрәт Әлијевин бирбаша академик сечилмәси Ријазијјат институтунда ришхәндә сәбәб олду. Сорушан лазым иди ки, ахы Фикрәт Әлијев бир нәфәр елмләр докторунун мәсләһәтчиси олмаја-олмаја неҹә олур ки, академик сечилир. О вахт сәсвермә комиссијасына һамынын јахшы таныдығы академик Зијад Сәмәдзадә сәдрлик едирди. Онун сахтакарлыг вә ријакарлыг кими кејфијјәтләрә мүнасибәтиндән фајдаланан Рамиз Меһдијев вә Фатма Абдуллазадә докторлуг дипломларында рәнҝи гурумамыш нечә-нечә “алими” академик сечдирмәјә наил олдулар. 2005-ҹи илин парламент сечкиләриндә Зијад Сәмәдзадәнин бу “зәһмәтләри” дә нәзәрә алынды вә о, депутат мандаты әлдә етди.
Чох тәәссүфләр олсун ки, Рафиг Әлијев кими ҝөркәмли алим һаггында елмдән хәбәрләри олмајан Фикрәт Әлијевлә Телман Әлијев фикир сөјләјирләр. Туталым ки, Фикрәт Әлијев информатика, кибернетика, идарәетмә елмләриндән хәбәрсизди. Бәс Телман Әлијев? О ки бир нечә илдир Кибернетика Институтуна рәһбәрлик едир. Бәјәм о, Рафиг Әлијевин 80-ҹи илләрдән бәри әлдә етдији наилијјәтләри билмир? Јохса Азәрбајҹанда Рафиг Әлијевин рәһбәрлији илә кечирилән елми конфрансларда тәләбә кими иштирак етдијини дә унудуб? Неҹә олур ки, Р.Әлијевин идарәетмә просесләринин интеллектуаллашмасы, гејри-сәлис мәнтигләрин јарадылмасы, гејри-сәлис интеллектуал роботларын нәзәријјәси вә гурулма принсипләринин ишләнмәси саһәсиндә ҝөркәмли алим олдуғуну чохлары кәнардан-кәнара олса да билир, анҹаг информасија саһәсиндә “академик” титулу әлдә едәнләр билмир. Ҝөрүн, мүстәгил Азәрбајҹанын, Рамиз Меһдијевин, Фатма Абдуллазадәнин академикләри кимләрдир.
Бир кафедра мүдири Гарабағы ҝери алмаға мане олурмуш
Һејрәт доғуран мәгамлардан бири дә бу адамларын Рафиг Әлијеви Азәрбајҹан КП МК-нын биринҹи катиби олмуш Әбдүррәһман Вәзировла бағламасы, Гарабағын итирилмәсинә ҝөрә абсурдҹасына иттиһам етмәсидир. Азәрбајҹан Вәзировун ҝәлишинә гәдәр барыт чәлләји иди. Бәли, о, һеч бир иш ҝөрә билмәди, бу, һамыја мәлумдур. Бәс сон 20 илдә ким имкан вермәди вә һәлә дә имкан вермир ки, Гарабағ проблеми һәлл олунсун? Рафиг Әлијеви кафедра мүдири вәзифәсиндән чыхармагла Гарабағ мәсәләси һәлл олунсајды, шүбһә етмирәм ки, о, бундан чох шад оларды.
Бу сон дәрәҹә чиркин вә ијрәнҹ бир тәблиғатдыр. Азәрбајҹан халгы дүшүнүлдүјү гәдәр дә садәлөвһ дејил. Һазырланан ојунларын дирижорларыны да, Гарабағ картындан истифадә едиб һакимијјәти зәбт едәнләри дә, Гарабағ проблеминин гурбанларыны да јахшы таныјыр.
Јахшы дејибләр ки, һәр бир зәрәрли ишдә һәм дә бир хејир вар. Бәлкә дә Президент Администрасијасынын јаратдығы бу шоу олмасајды Азәрбајҹан иҹтимаијјәти, һәтта бир чох зијалылар да Рафиг Әлијеви белә, јахындан таныја билмәјәҹәкди. Шүбһәсиз, һадисәләрин белә мәҹрасы һәм дә ону ҝөстәрир ки, Р.Әлијевин јүксәк ләјагәтинин Азәрбајҹан ҹәмијјәтиндә танынмасына индијәдәк имкан верилмәјиб. Инди исә ону кафедра мүдири вәзифәсиндән чыхармагла кифајәтләнсәләр, Әли Инсанов кими Академијадан кәнар етмәсәләр јахшыдыр.
Бир заманлар, 2001-ҹи илдә Әли Инсанов да чох әзијјәтлә Тибб Университетинин ректору Әһлиман Әмирасланову бирбаша, Фикрәт Әлијев кими академик сечдирмишди. О заман Әли Инсанов ону академик сечдирә билмәк үчүн диш һәкими Ҹәмил Әлијеви дә бирбаша академик сечдирмишди.
Ҝүнүн бириндә Фикрәт Әлијев дә чыхыш едиб дејә биләр ки, Рафиг Әлијев алим дејил, Елмләр Академијасына тәсадүфән сечилиб, ҝәлин онун мүхбир үзв адыны әлиндән алаг.
Рамиз Меһдијев Рафиг Әлијеви нијә “гаралајыб”?
Ҹәмил мүәллим, диггәтинизә чатдырмаг истәјирәм ки, Р.Әлијевә гаршы башлајан кампанијаја тәкҹә онун Зијалылар Форумундакы чыхышы јол ачмајыб. О чыхыш, садәҹә, бәһанәдир.
Р.Әлијев Азәрбајҹан Халг Тәсәррүфаты Институтунда баш верән дөвләти ҹинајәтдән сонра Мәркәзи Комитәнин елм вә тәһсил шөбәсинә мүдир тәјин едилди. О, тәхминән ики илә јахын МК-нын идеолоҝија катиби Рамиз Меһдијев вә шөбәнин әмәкдашы Фатма Абдуллазадә илә бирликдә ишләјиб.
Рафиг Әлијев Мәркәзи Комитәнин биринҹи катиби Камран Бағыровла јахын мүнасибәтләрдә олуб. Онун шөбә мүдири вәзифәсинә К.Бағыров чәтинликлә ҝәтирә билмишди. Чүнки мәлум клан бу тәјината гаршы иди. 1970-ҹи илдән Р.Әлијевин тәјинатына гәдәр елм вә тәһсил шөбәсинә Р.Меһдијевин јахын дәстәси рәһбәрлик едирди. К.Бағыров бу “әнәнәни” поза билмишди. Үстәлик, Р.Әлијевин МК катиби Р.Меһдијеви әвәз едәҹәји ҝөзләнилирди. Анҹаг К.Бағыровун вәзифәсиндән ҝетмәси мәсәләни ҝөзләнилән истигамәтә апармады.
Сонралар Р.Меһдијев вәзифәсиндән узаглашдырылдыгдан сонра Фатма Абдуллазадә дә Нефт вә Кимја Институтуна ҝөндәрилди. Елә о ҝүндән Р.Әлијевин ләкәләнмәсинә јоллар ахтарылды.
Бәли, халг јазычысы Әкрәм Әјлисли чох дүз фикирләшир. Бу чиркин ојунлар Рамиз Меһдијевин Фатма Абдуллазадә илә бирликдә јаратдығы лабораторијада синтез едилир.
Назири иш отағында “гара маскалылар”ын әли илә һәбс едән һөкумәт...
Ҹәмил мүәллим, чох хаһиш едирәм ки, Р.Әлијевә гаршы баш верәнләри реҝиончулугла әсла әлагәләндирмәјәсиниз. Бир нечә ил бундан өнҹә баш верән “дөвләт чеврилиши” шоусу мәҝәр Р.Әлијевин башына ҝәләнләрдән аз ағыр иди?
2005-ҹи илин “дөвләт чеврилиши” шоусу ҝүман едирәм ки, јахшы хатириниздәдир. О һадисә дөвләтин өз вәтәндашларына гаршы һазырладығы террор иди. ХХИ әср Азәрбајҹан халгы үчүн кечән әсрин 37-ҹи илләриндән дә дәһшәтли фәсадларла башлады. Ким фикирләшә биләрди ки, дөвләт өз дајаглары олан назирләрин евинә, иш отағына бир дәстә әли автоматлы һәрбчи ҝөндәриб өзләрини вә аилә үзвләрини террорла үз-үзә гојаҹаг? О гәддарлығы өз халгынын өвладларына гаршы анҹаг Ливија кралы Мүәммар Гәззафи, Ираг президенти Сәддам Һүсејн кими тиранлар јашада биләрдиләр.
Криминал, коррупсијанын чичәкләндији, һагсызлығын, әдаләтин олмадығы бир өлкәдә јашајырыг. Белә олмасајды ҝөркәмли тибб алими, Дүнја Сәһијјә Тәшкилатынын мәшһур сималарындан бири Әли Инсанову иш отағында гурдуғу дөвләтин гара маскалы әсҝәрләри гандалламазды. Онун вә игтисади инкишаф назири Фәрһад Әлијевин һәбсини әсасландырмаг үчүн ифадә вермәкдән имтина едән республиканын башга бир танынмыш симасы, дөвләт хадими Акиф Мурадвердијеви “дөвләт чеврилишини билиб ҝизләтмәк” иттиһамы илә һәбс етмәздиләр.
Јери ҝәлмишкән, Акиф Мурадвердијев һаггында анҹаг јүксәк ләјагәти, зәнҝин мәнәвијјаты илә сечилән зијалы кими данышылдығыны ешитмишәм. Билдијим гәдәр, Һејдәр Әлијевә сәмими инананлардан, онун Бакыја гајыдышында хүсуси рол ојнајанлардан олуб. Һ.Әлијев 4 октјабр 1994-ҹү илдә халгы көмәк үчүн Президент Апараты гаршысына чағыран мәшһур мүраҹиәтиндә А.Мурадвердијевин ОМОН-ла фајдалы данышыглар апардығыны демишди. Әҝәр еләјдисә, А.Мурадвердијев Һ.Әлијевин һакимијјәти уғрунда ҹаныны гурбан вермәјә ҝетмишди. О ҹәсарәти буҝүнкү мәмурларын һансы едә биләр? Һеч бири. Инанын ки, Илһам Әлијеви јахын әтрафынын елә о сарајда гојуб гачаҹағы ҝүн узагда дејил.
(арды вар)
Әли Гарагојунлу
Диггәт: Хәбәрдән истифадә етдикдә мәнбәјә истинад лазымдыр
