Диггәт: Хәбәрдән истифадә етдикдә мәнбәјә истинад лазымдыр
Һазырлыг иҹласындан сонра нөвбәти мәһкәмә 24 декабра тәјин олунуб.”Мәһкәмәдә дедим ки, өзүмлә бәрабәр иткин дүшмүш 21 гвардијачынын, 5 шәһидимизин вә гәтлә јетирилмиш 9 ҝәнҹимизин һаггыны тәләб еләјәҹәм”.
Һазырлыг иҹласындан бир ҝүн әввәл исә сабиг баш лејтенант тәһдид олунуб. “15 декабрда атамын мобил телефонуна зәнҝ ҝәлди. Үч дәфә зәнҝ еләдиләр, һәдә-горху ҝәлдиләр. Зәнҝләр 19:30, 19:31, 19:45 радәләриндә дахил олуб. Биринҹи атамы тәһгир еләди, кобуд данышды. Деди, сән билирсән нејләмисән? Сәнин оғлун кимдир? Мән телефону ҝөтүрдүм ки, сәнин атан јохдур, јашлы кишини нијә нараһат еләјирсән? Деди, мәним ишим сәнинләдир. Сәнинлә ҝөрүшмәк истәјирәм. Дедим, проблем јохдур сабаһ һүгуг мүһафизә органларынын иштиракы илә ҝөрүшә биләрик. Телефону асды. Һисс еләјирәм ки, 20-25 јашында адамын сәсидир. Дедиләр ки, оғлунуз сакит дајансын, јохса башы ағрыјаҹаг”. Бу зәнҝдән сонра А. Ләтифов вәкили Намизәд Сәфәровла мәсләһәтләшиб. “Бунунла бағлы Абшерон рајон Полис Идарәсинә нөмрәнин арашдырылмасы үчүн телеграм вурдум. Хүсуси Дөвләт Мүһафизә Хидмәтинин рәиси, ҝенерал полковник Вагиф Ахундова телеграм ҝөндәрдим. Рәисә јаздым ки, ачыг нөмрәдән зәнҝ олунуб, хаһиш едирәм бу нөмрәнин кимлијини арашдырын ки, сиздән шүбһәләнмәјим. Абшерон рајон Полис Идарәсинә ҝедиб әризә јазмаг истәдим. Хүсуси Дөвләт Мүһафизә Хидмәтинин рабитәсиндән Әли мүәллим зәнҝ еләди ки, “телеграм гејдијјатдан кечиб. Һазырда бу ишлә мәшғулуг. Һәмин нөмрәнин кимлији арашдырылаҹаг. Һүгуг-мүһафизә органларына дәгиг мәлумат вериләҹәк”. Буна ҝөрә мән әризә јазмалы олмадым. Јашадығым әразинин саһә мүвәккилинә дә хәбәр вердим. Онлар да ҝәлиб марагландылар. Вәкилим телеграмларын сурәтини Сәбаил рајон мәһкәмәсинин һакими Рауф Әһмәдова тәгдим едиб. Вагиф Ахундовун вәкили Тофиг Јолчујев дә билдирди ки, рәисә мәрузә олунаҹаг. Һәлә ки, ҝөзләјирәм”.
Әһли Бејт -АБНА- хәбәр аҝентлијинин вердији хәбәрә әсасән: Хүсуси Дөвләт Мүһафизә Хидмәтинин (ХДМХ) “Бетта” дәстәсинин сабиг мүһафизә забити, баш лејтенант Асиф Ләтифов ҝенерал полковник Вагиф Ахундову мәһкәмәјә вериб. О, Сәбаил рајон Мәһкәмәсинә мүраҹиәт едәрәк ишә бәрпа вә мәҹбури ишә бурахмаја ҝөрә өдәнилмәмиш әмәк һаггынын өдәнилмәсинә ҝөрә мүлки иддиа галдырыб.
