Әһли Бејт -АБНА- хәбәр аҝентлијинин вердији хәбәрә әсасән Исраил Јахын Шәргдә ҝетдикҹә даһа чох тәҹрид олунур. Буну Америка Бирләшмиш Штатларынын мүдафиә назири Леон Панетта билдириб. Пентагон рәһбәри Исраили Јахын Шәргдә тәһлүкәсизлијин горунмасы үчүн реҝион өлкәләри илә мүнасибәтләри јахшылашдырмаға чағырыб"
"Исраил реҝионда стабилликлә бағлы ортаг мараглары олан Түркијә, Мисир вә Иорданија кими өлкәләрлә мүнасибәтләри дүзәлдә биләр. Бу саһәдә мүһүм әлагәләри бәрпа етмәк вә инкишаф етдирмәк үчүн һәлледиҹи вахтдыр. Јахын Шәргдә тәһлүкәсизлик вә рифаһа нүвә илә силаһланмыш Ирандан бөјүк тәһлүкә ола билмәз. Буна ҝөрә дә бу реҝиона јанашмамызын мүһүм бир тәрәфи Ираны нүвә силаһы һазырламагдан чәкиндирмәк вә бүтүн реҝиона тәһлүкә төрәдәҹәк фәалијјәтләрдән дашындырмагдыр".- дејә, Леон Панетта билдириб.
Л. Панетта һәмчинин АБШ-ын дөвләт катиби Һиллари Клинтонун дәфәләрлә етдији чағырышы тәкрарлајараг, Исраили фәләстинлиләрлә сүлһ данышыгларыны бәрпа етмәјә чағырыб. "Садәҹә данышыглар масасына әјләшин!" - Пентагон рәһбәри белә дејиб.
Диггәт: Хәбәрдән истифадә етдикдә мәнбәјә истинад лазымдыр
