Әһли Бејт -АБНА- хәбәр аҝентлијинин вердији хәбәрә әсасән: "Иран, Русија вә Чин ваһид блокда ҹәмләшибләр. Бир чох бејнәлхалг мәсәләләрдә Русија вә Чинин мөвгеји бизә АБШ вә мүттәфигләринин мөвгеләриндән даһа јахындыр", - президент билдириб.
Xәбәрә ҝөрә, президент Иранын мәгсәдинин нүвә силаһы дејил, нүвә енержиси олдуғуну вурғулајыб: "Иран нүвә силаһы әлдә етмәјә ҹан атмыр. Мәгсәдимиз игтисадијјатынын мүхтәлиф саһәләрини инкишаф етдирмәк үчүн динҹ нүвә технолоҝијаларына саһиб чыхмагдыр. Тәәссүф ки, бәзи өлкәләр "нүвә силаһы" вә "нүвә енержиси" анлајышлары арасында бәрабәрлик ишарәси гојурлар".
Әһмәдинежад бир даһа өлкәсинин илкин шәрт олмадан "5+1" групу илә данышыглары бәрпа етмәјә һазыр олдуғуну бәјан едиб.
Бу һәфтә гүввәјә минмиш јени санксијалар мөвзусуна тохунан дөвләт башчысы билдириб ки, бу аддымлары атан дөвләтләрин пајына Иранын хариҹи тиҹарәтинин ҹүзи һиссәси дүшүр: "Бизим иллик мал дөријјәмиз 190 милјард доллар тәшкил едир, бүтүн Авропанын пајына исә ҹәми 24 милјард доллар дүшүр"
Диггәт: Хәбәрдән истифадә етдикдә мәнбәјә истинад лазымдыр
