Әһли Бејт -АБНА- хәбәр аҝентлијинин вердији хәбәрә әсасән: Гарабағ мүһарибәси ветераны Ирадә Һәмзәјева ишләдији Нефтчиләр Хәстәханасында кәнарлашдырлыб. О, «Бизим Јол» гәзетинә билдириб ки, ишдән чыхарылмасы барәдә әмр она верилмир. Бу илин октјабр ајынын 7-ә гәдәр Ирадә ханым Нефтчиләр Хәстәханасында рендҝен-техник ишләјиб. Хәстәхананын баш һәкими Һәбиб Јүзбашов ону рүшвәтдә иттиһам едиб. О, Гарабағ мүһарибәси ветеранына 1 манат рүшвәт алдығына ҝөрә, әризә јазыб ишдән көнүллү ҝетмәји тәләб едиб. Әкс һалда башга тәдбирләрә әл атаҹағы илә һәдәләјиб. “Мәҹбур олуб әризә јаздым вә ишә һәмин ҝүндән ҝетмәдим. Сөзүн ачығы һүгугуларымы билмирәм. Әмәк Мәҹәлләсинин 69-ҹу маддәсинә әсасән әризә јазандан сонра бир ај ишә ҝетмәлијәммиш. Бу мүддәт она ҝөрә лазымдыр ки, әризә јазан бәлкә әрзисәни ҝери ҝөтүрдү. Буну мәнә вәкилим деди. Мәһкәмәјә мүраҹиәт етмәк үчүн вәкиллә мүгавилә бағладым. Бу мүраҹиәтимдән хәбәр тутан Һәбиб Јүзбашов ишдән чыхарылмағымы ишә ҝәлмәмәјимлә бағлады. Инди ишдән чыхарылмағымла бағлы да әмри вермирләр, чүнки әмр јохдур.
Мән чох тәәҹүбләндим ки, әввәл рүшвәт иттиһамы илә ишдән узаглашдыран баш һәкимин јадындан инди “1 манат” сөһбәти чыхыб. Әризәми тәгдим едәндә хәстәхана рәһбәрлијиндә чалышан шәхсләр мәни ҝөрдүләр. Әризә јазмағыма бахмајараг һәлә бир ај ишә ҝәлмәјими демәдиләр, чүнки јахшы билирдиләр ки, бу ишдән узаглашдырлағым үчүн ојундур.
52 јашым вар. Бундан сонра мәни һансы хәстәханаја ишчи олараг гәбул едәрләр ахы?! Онсуз да тәгаүдә чыхмағыма аз галмышды”, дејә Ирадә Һәмзәјева билдирди.
“Ишдән чыхарылмағымла бағлы әмрим верилсә, хәстәхананын рәһбәрини мәһкәмәјә верәҹәм”
“Әҝәр Һәбиб Јүзбашовун мәни ишдән чыхармаг мәгсәди олмајыбса, башга тәдбир ҝөрәрди. 1 манат рүшвәт алмышамса, мәнә төһмәт верәрди, әризәдән сонра иш ҝәлмәдијим һәмин заманы мәзунијјәт ҝүнү һесаб едәрди. Рүшвәт алмышамса, барәмдә Коррупсијаја гаршы Мүбаризә Идарәсинә мәлумат верәрди, онлар мәсләни арашдырардылар. Билсәм ки, башга јердә ишә гәбул едәрләр, ишдән чыхарылмағымла барышарам. Амма һансы тибб мүәссисәсинә ҝедирәмсә 25-30 јаш арасында ишчи лазым олдуғуну билдирирләр. Ики оғлум вар, бөјүк вәрәм хәстәсидир, кичик дә али мәктәби битириб. Кичик өвладым һара ҝедирсә ишә гәбул үчүн пул истәјирләр. Ја да, архан-дајағын олмалыдыр бу заманда. Евдә пул газанан јалныз мән идим. Тәкбашына ики јетим бөјүтдүм. Ишдән чыхарылмағымла бағлы әмр мәнә тәгдим олунан кими хәстәхана рәһбәрлијини Хәтаи рајон Мәһкәмәсинә верәҹәм».
Дөјүшчү ханым бу дурума дүшәҹәјини ҝөзләмәдијини дејәрәк Дөвләт Нефт Ширкәтинин президенти Рөвнәг Абдуллајевә суаллар үнванлады: “Ишдән чыхарылмышам, нә едим бәс, неҹә доланым Дубајамы ҝедим, јохса диләнчиликми едим?! Хәстәхананын һүгугшунасы дејир ки, компенсасија верәк, амма данышма. Бунлар анламырлар ки, компенсасијаны мүәјјән мүддәтдә хәрҹләдим, бәс сонра неҹә јашајаҹам?!”
“Ики оғлуму ата евиндә гојуб дөјүш бөлҝәсинә јолландым”
“Мән дөјүш бөлҝәсиндә оланда Һәбиб Јүзбашов Бакыда пул јығырды” дејән Ирадә ханым дөјүш хатирәләриндән дә данышды. Хидмәтә Ағҹәбәдидән башлајыб. Ағдәрә, Тәртәр уғурунда ҝедән дөјүшләрин дә иштиракчысы олуб. Мүһарибәјә көнүллү ҝедиб. Бундан өнҹә һәјат јолдашындан ајрылыб. Ики оғлуну ата евиндә гојуб дөјүш бөлҝәсинә јолланыб. Бунун үчүн о заман јашадығы Сабунчу рајон Һәрби Комиссарлығына мүраҹиәт едир. Орада Ирадә ханыма һәрбчи формасы верилир вә Мүдафиә Назирлијинә ҝөндәрилир. Ағҹәбәдлинин орта мәктәбләринин бириндә јерләшдирилмиш Шуша һәрби һоспиталында рендҝен-техник олараг хидмәтә башлајыр. Ағдәрә ишғалдан азад олунан да һәрби һоспитал бу рајона көчүр. “Ағдәрәдә олан заман ајағымын алтында мина олдуғуну ҝөрдүм. “Н” сајлы бригаданын һәрбчиләри минаны зәрәрсизләшдирәндән сонра санки икинҹи дәфә һәјата ҝәлдим.
Чылдырандан, Дрмбондан дәфәләрлә јаралы ҝәтирмишик, ермәниләр мәним дә олдуғум машыны бир нечә дәфә атәшә тутублар. Сајыны унутмушам, неҹә јаралыја ган вермишәм” дејә Ирадә Һәмзәјева вурғулады: “Елә ҝүнә олурду һоспитала ән азы 200-300 јаралы ҝәлирди...”
Онун сөзләринә ҝөрә аиләләриндә ветеран тәкҹә о дејил: “Атам Бөјүк Вәтән Мүһарибәсинин, 3 гардашым вә мән исә Гарабағ мүһарибәсинин иштиракчылары олдулар. Мүһарибәдә һәр шеји ҝөрдүм. 3 ҝүн ҝөзүмү јуммадығым заманлар олду, јаралылары гәбул едирдик, рендҝен ишини ҝөрүрдүм. Вәзифәм олмаса да јаралынын палтарыны сојундуруб тез мүалиҹәјә башланмасына чалышмышам. Ијнә лазым оланда ијнәсини вурурдум, системләрини гурашдырырдым. Дөјүш јолдашларымы һәрдән ҝөрүрәм. Мәнимлә бирликдә һоспиталда хидмәт едән ҹәрраһлардан бири, һазырда Республика Килник Хәстәханасынын шөбә мүдири, профессор Фариз Ҹамалов олуб. Шушадан ҝәлән тиб баҹылары, һәкимләр вар иди. Шуша Һоспиталында олан 30-а јахын гадынын һамысы мүһарибәјә көнүллү ҝәлмишдиләр. Һоспиталын баш һәкими Шушадан олан Роберт адлы шәхс иди. Мән хидмәт етдијим һәрби һоспиталын рәиси о заман “Н” сајлы һәрби һиссәнин командири олмуш, һазырда Силаһлы Гүввәләрин Баш Гәрәрҝаһ рәиси Нәҹмәддин Садыгов иди».
Дөјүш бөлҝәсиндә олан заман “Бакинискиј рабочи” гәзетинин әмәкдашы мәни вә өвладларымын фотосуну чәкиб гәзетдә вермишдиләр, кичик мәлумат да јазмышдылар. Гарабағ мүһарибәсиндә иштиракчы гадын олараг барәмдә мәтбуатда мүхтәлиф дөврләрдә материал һазырлајыб чап едибләр”, дејә Ирадә Һәмзәјева билдирди.
Президент торпаг саһәси верди….
Гарабағ мүһарибәсинин иштиракчысы дејир ки, Биләҹәридә јашадығы һазыркы евин торпаг саһәсини өлкә башчысы Илһам Әлијев вериб: “2007-ҹи илдә Шәһидләр Хијабанын јанында јерләшән Һәзи Аслановун бүстүнүн гаршысында о, мүһарибә иштиракчылары илә ҝөрүшүрдү. Евлә тәмин олунмағым үчүн һәмин заман она јахынлашыб мүраҹиәтими тәгдим етдим. 15 ҝүндән сонра Биләҹәри рајон Иҹра Һакимијјәтинә чағырылыб Баксол массивиндә 6 сорт торпаг саһәсинин мәнә верилдијини билдирдиләр. Һансы ки, бу әразидә бир заманлар ҝөлмәчәләр олуб, ону гурудуб ҹамаата верирләр. Мән дә бу әразидә балаларымын боғазындан кәсәрәк 3 илә ев тикдим. Әҝәр буна ев демәк оларса… Мүхтәлиф чүр һәшаратлар, сичанлар евдә долашыр. Газ, ишыг, су хәттини өз пулумла чәкдим. Евимдән бајыра канализасија хәттини дә чәкдим. Амма мүвафиг гурум канализасија хәттини мәркәзи хәттлә бирләшдирмир.
Баксол массивиндә јол проблеми вар. Асфалт дөшәмә олмадығы үчүн јағыш јаған заман шәһәрә ҝетмәк мүмкүнсүз олур”, дејә ветеран ханым билдирди.
Бәләдијјә сәдри 6 мин манат истәјир
“Дөвләт башчысы ҝөстәриш верди ки, вәтәндашларын јашадығы әразиләр онларын адына гејдијјата алынсын. Биләҹәри бәләдијјәсинин сәдри Һүмбәт мүәллим мәндән буна ҝөрә 6 мин манат пул истәјир. Мән дә она билдирдим ки, бу торпағы мәнә дөвләт башчысы Илһам Әлијев вериб. Буна бахан јохдур, елә дејирләр ки, пул вермәсән гејдијјата салмајаҹағыг. Евимиз олан әразидә күчәјә ад да верилмәјиб. Нечә илләрдир ки, гејдијјатасыз јашајырыг, бу һал һәлә дә давам едир”, дејә Ирадә Һәмзәјева шикајәтләнди.
Рамид
Диггәт: Хәбәрдән истифадә етдикдә мәнбәјә истинад лазымдыр
