Әһли Бејт -АБНА- хәбәр аҝентлијинин вердији хәбәрә әсасән: Милли Мәҹлисин динә аид чыхармаг истәдији гәрар, даһа дәгиги, Инзибати Хәталар вә Ҹинајәт мәҹәлләләринә дини фәалијјәти мәһдудлашдыран дүзәлишләр етмәк үчүн һазырланан вә парламентин комитәләриндә бәјәнилиб пленар иҹласа төвсијә олунан ганун лајиһәси гызғын дискуссијалара сәбәб олду.
Шүбһәсиз ки, ганун тәшәббүскарлары әслиндә дини-милли тәәссүбкешлик мөвгејиндән бу аддымы атыб. Лакин неҹә дејәрләр, “гаш дүзәлтдикләри јердә ҝөз чыхарырлар”. Бу тәәҹҹүблү дејил, чүнки әксәријјәт динин илк нөвбәдә теолоҝија елми олмасыны анламыр, динин јалныз ајин вә мәрасимләр мәҹмусу олдуғуну дүшүнүр.
Ганун лајиһәси әтрафында ҝедән полемикада бир үмуми проблем диггәти ҹәлб едир. Тәрәфләрдән һеч бири фундаментал мәсәләни (аргументи) ортаја гојмур! Ҝәлин ҝөрәк сөзүҝедән ганун лајиһәси Азәрбајҹан Республикасынын әсас һүгуги мејарына – конститусијаја ујғундурму? Парламентдә бу мәсәләјә милләт вәкилләри, һејиф ки, аз диггәт јетирирләр, һалбуки онларын һазырладыглары ганунлар конститусијаја зидд ола билмәз.
Бизим конститусијамыз үмумхалг референдуму јолу илә гәбул олунуб. Онун ЫЫ бөлмәсинин 48-ҹи маддәсиндә јазылыб:
Маддә 48. Виҹдан азадлығы
I. Һәр кәсин виҹдан азадлығы вардыр.
II. Һәр кәсин динә мүнасибәтини мүстәгил мүәјјәнләшдирмәк, һәр һансы динә тәкбашына вә ја башгалары илә бирликдә етигад етмәк, јахуд һеч бир динә етигад етмәмәк, динә мүнасибәти илә бағлы әгидәсини ифадә етмәк вә јајмаг һүгугу вардыр.
III. Дини мәрасимләрин јеринә јетирилмәси, иҹтимаи гајданы позмурса вә ја иҹтимаи әхлага зидд дејилдирсә, сәрбәстдир.
IV. Дини етигад вә әгидә һүгуг позунтусуна бәраәт газандырмыр.
V. Һеч кәс өз дини етигадыны вә әгидәсини ифадә етмәјә (нүмајиш етдирмәјә), дини мәрасимләри јеринә јетирмәјә вә ја дини мәрасимләрдә иштирак етмәјә мәҹбур едилә билмәз.
Зәннимҹә, депутатларын бу сәнәди диггәтлә охумалары кифајәтдир ки, тәгдим едилән јени ганун лајиһәсинин конститусијанын бүтүн маддәләрини кобуд сурәтдә поздуғуну ҝөрсүнләр. Бу әснада Конститусија Мәһкәмәси дә ишә гарышмаға вә өз мөвгејини ортаја гојмаға борҹлудур.
Исмајыл ВӘЛИЈЕВ
Диггәт: Хәбәрдән истифадә етдикдә мәнбәјә истинад лазымдыр
