Әһли Бејт -АБНА- хәбәр аҝентлијинин вердији хәбәрә әсасән: Әләт-Астара јолуну чәкән Италијанын “Тодини” ширкәтинин Азәрбајҹандакы баш менеҹери Алберто Ҹаттозинин азәрбајҹанлы әмәкчиләрлә хариҹи әмәкчиләр арасында ајры-сечкилик етмәсинин ҝерчәк сәбәбләри мәлум олуб. Салјандакы гајнагларымыздан редаксијамыза дахил олан мәлумата ҝөрә, Алберто Ҹаттози Сурија ермәнисидир вә азәрбајҹанлылара гаршы мүнасибәти дә мәһз онун милли кимлијиндән гајнагланыр.
Јада салаг ки, тәхминән 2 һәфтә әввәл Салјанын Чуханлы кәндиндә ширкәтдә чалышан 500 азәрбајҹанлы ишчи һүгугларынын позулмасына етираз едәрәк иши дајандырмышдылар. Фәһләләр Чуханлыда олан репортјорларымыза демишдиләр ки, онларла ишләјән таҹикләрә 750, ејни иши ҝөрән азәрбајҹанлылара исә 90 манат мааш верилир. Үстәлик, һәр фүрсәтдә ширкәт рәһбәрлији онлары тәһгир едир, азәрбајҹанлылары оғру адландырыр.
Јерли һүгуг мүдафиәчиси Емил Мәммәдов исә билдирмишди ки, ширкәт рәһбәри Капочи Бахателли фәһләләрлә чох кобуд давраныр, һәтта онлары “гара ешшәк” адландырыр. Фәһләләр арасында ајры-сечкилик гојулур. Ејни иши ҝөрән италијалы ишчи 3-4 мин авро, јерли ишчи исә 300-400 манат мааш алыр.
Салјандакы гајнағымыз “Тодини”нин Азәрбајҹандакы нүмајәндәлијиндә 2 ермәнинин ишләдијини дә сөјләјиб: “Бир нечә ҝүнә һәмин шәхсин кимлији барәдә дә мәтбуата мәлумат верәҹәјик”.
Нефтчиләрин Һүгугларыны Мүдафиә Комитәсинин сәдри Мирвари Гәһрәманлы “Јени Мүсават”а ачыгламасында билдириб ки, охшар мәлуматлары онлар да алыб. Һүгуг мүдафиәчиси Салјандакы фәһлә үсјаны илә бағлы Дүнја Банкына мүраҹиәтинин артыг арашдырылмасына башландығыны да дејиб: “Дүнән (срағаҝүн-ред.) Дүнја Банкынын нүмајәндәләри Салјанда олараг азәрбајҹанлы фәһләләрин үзләшдији дискриминасија вә диҝәр мәсәләләрлә марагланыб. Бу лајиһәни Дүнја Банкы малијјәләшдирдијиндән јол чәкилиши заманы ишчиләрин һүгугларынын позулмасы илә бағлы бу гурума мүраҹиәт етмишдик. Ишчиләрлә әмәк мүгавиләси бағланмасыны, ајры-сечкилијә сон гојулмасыны, әҹнәби ишчиләрлә азәрбајҹанлы ишчиләрин ејни јемәкханадан истифадә етмәсини, гум карханасында чалышанлара нормал иш шәраитинин јарадылмасыны хаһиш етмишдик. Фәһләләр баш верәнләрлә бағлы фикирләрини банкын нүмајәндәләринә чатдырыб. Онлар Копочи илә бирҝә ишләмәк истәмәдикләрини дә диггәтә чатдырыблар. Банк бу мәсәләни нәзарәтә ҝөтүрүб вә јәгин јахын вахтларда нәтиҹәсини дә ҝөрәҹәјик”.
М.Гәһрәманлы “Тодини”дә чалышан азәрбајҹанлы фәһләләрин дискриминасијаја мәруз галмасы илә бағлы “Азәрјолсервис”ә ҝөндәрдикләри шикајәтә һәлә дә ҹаваб верилмәдијини сөјләјиб.
Гејд едәк ки, Әләт-Астара јолунун тикинтиси бу илин февралында башланыб вә 2013-ҹү илдә баша чатаҹаг. Мөвзуну диггәтдә сахлајаҹағыг. МУСАВАТ
Диггәт: Хәбәрдән истифадә етдикдә мәнбәјә истинад лазымдыр
