Әһли Бејт -АБНА- хәбәр аҝентлијинин вердији хәбәрә әсасән: Октјабрын 28-дә Нәриманов Рајон Мәһкәмәсиндә мајын 6-да Бакыда кечирилмиш “Һиҹаба азадлыг” аксијасына ҝөрә һәбс олунан илаһијјатчы Талеһ Бағыров вә диндар Елшән Аббасовун мүһакимәси башлајыб.
Һәр ики шәхс әлијевләр режими тәрфиндән Ҹинајәт Мәҹәлләсинин 221.2-ҹи (Бир груп шәхс тәрәфиндән хулиганлыг) вә 233-ҹү (Иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә) маддәләри илә һәјасызҹасына ШӘРЛӘНӘРӘК иттиһам олунурлар.
Һаҹы Талеһ Бағыровун вәкили Анар Гасымлы вердији ачыгламада дејиб ки, просесдә һаким Тургај Һүсејновун сәдрлијинә етираз вәсатәти галдырыб: “Тургај Һүсејнов Талеһ Бағырова 15 сутка инзибати һәбс ҹәзасы чыхаран һакимдир. Онун һүгугларыны мүдафиә етдијим шәхсә бәраәт вермәк имканы јохдур. Чүнки бу һаким артыг һиҹаб иши үзрә Талеһ Бағырову тәгсирли билиб. Вәсатәти галдырдым, бундан сонра һаким јарым саатлыг мүшавирә елан етди. Гаыјтдыгдан сонра вәсатәти әсассыз һесаб едәрәк бахылмамыш сахлады”.
Даһа сонра тәгсирләндирилән шәхсләр вә бир нәфәр шаһид ифадә вериб. Һаҹы Талеһ Бағыров она гаршы галдырылмыш иттиһамын ајдын олмадығыны дејиб, ҹинајәт ишинин әсассыз олдуғуну вурғулајыб.
Мәһкәмә нојабрын 18-и саат 11.00-да давам едәҹәк.
Диггәт: Хәбәрдән истифадә етдикдә мәнбәјә истинад лазымдыр
