Азәрбајҹан Исраилин ҝөзүнә ҝирмәк, ҝүҹ таразлыгларынын итирилдији көһнә коммунист Русијада јерини јахшылашдырмаг үчүн һиҹабы гадаған етди. Көнүллү олараг коммунист олду.
Истәр мәсҹидләри дағытмаг, истәрсә дә һөкумәтин бәзи мөвгеләрдәки тутуму Азәрбајҹан рәһбәрлијиндә динсизлик олдуғуну ҝөстәрди ки, бу ҝүн Азәрбајҹан Тәһсил Назири Мисир Мәрданов 'Артыг һеч бир тәһсил мүәссисәсиндә һиҹаблы шаҝирд вә мүәллим ола билмәз' кими бир ачыглама верди.
Шура һөкумәтинин 70 ил әрзиндә етдији зүлмүн ејнисини Азәрбајҹан һакимијјәти 1 илин әрзиндә етди. Өзүдә ки, өз милләтинә. Белә бир һалда тәкҹә бу дүшүнүлә биләр: Бу дөвләт өз вәтәндашынын дүшмәнидир!
Тарих тәкрар олунур фикри илә һадисәләрә јанашсаг бу һадисәләр Азәрбајҹан тарихинин ән мүгәддәс вә шәрәфли бир мүбаризәси олараг тарихә кечди. Халгын мәзлум тәбәгәсини тәмсил едән руһани алимләрдән Һаҹы Мөвсүм Сәмәдов, Теле Бағыров, Фәрамиз Аббасов вә с.. бу кими алимләр һакимијјәтин мәһбусларына чевирилди.
Бүтүн дүнја авторитар режимләриндә бу план дәбдир ки, зәрәрсизләшдирилмәси арзу едилән шәхси һәбс етмәк үчүн әҝәр ону сахламаг үчүн јетәринҹә дәлил вә сүбут мөвҹуд дејилсә о заман онун евинә наркотик маддә вә ја силаһ сурсат гојулур. Бу илк дәфә оалраг Азәрбајҹанда сынагдан кечирилмәјиб. Елә “демократијанын бешији” олан АБШ-да белә бир бөһтандан истифадә едилир.
АИП сәдирини мәлум чыхышында ишләтдији сөзләр онун һәбсинин реаллашмасы үчүн кифајәт дејилди. Һамыја мәлумдур ки, АИП сәдир Мөвсүм Сәмәдов өлкәдә ҹәрајан едән тәһсилдә һиҹаб гадағасына етираз олараг өлкә башчысына Језид, мәсҹид дағыдан, гумарбаз, фасиг, бүтпәрәст дедији үчүн 12 ил азадлыгдан мәһрум едилиб.
Мән бу ифадәнин нә дәрәҹәдә гануна зидд олуб олмамасы һагда бир фикир сөјләјә билмәрәм, амма ҝүман едирәм ки, Сәмәдовун бу чыхышы һакимијјәтин гәзәбинә туш ҝәлмишдир.
Етираф едәк ки, Азәрбајҹан һакимијјәти үчүн ән тәһлүкәли партија Азәрбајҹан Ислам Партијасы олдуғу үчүн партија лидери вә партијанын диҝәр функсионерләринә гаршы белә бир аддым атылды.
Башга бир аспектдән мәсәләјә нәзәр салсаг ҝөрәрик ки, Азәрбајҹанда диҝәр мүхалиф партијалар да мөвҹуддур. Мисал олараг истәр Мүсават Партијасы истәрсә дә АХҸП кими һакимијјәтин радикал адландырдығы партијалар да фәалијјәт ҝөстәрир. Мүсаватын башганы Иса Гәмбәр дәфәләрлә өлкә рәһбәрлијини рүшвәтхорлугда, әдаләтсизликдә вә диҝәр адларла сучлајыб. Лакин она гаршы Сәмәдова едилән һагсызлыг гәдәр мүнасибәт бәсләнмәјиб.
Бундан башга АХҸП сәдри Әли Кәримли дә дәфәләрлә хариҹи телеканаллара мүсаһибә верәркән шәхсән өлкә башчысына гаршы мүхтәлиф иттиһамларда булунуб. Амма јенә дә Мөвсүм Сәмәдовла мүгајисәдә она ҝүлдән артыг сөз дејән олмајыб.
Бәс сәбәб нәдир? АИП сәдринин бир нечә дәгигәлик чыхышы вә өлкә башчысыны Ислам тарихинин арзуолунмаз шәхсијјәтинә бәнзәтмәси нәдән һакимијјәти бу дәрәҹәдә сәксәкәјә салды?
Илк олараг демәк олар ки, Азәрбајҹан һакимијјәтинин мүбаризәси ҹинајәткарлыға гаршы дејил, Ислама гаршы мүһарибә характери дашыјыр. Өлкә әһалисинин Ислама гаршы мејилинин артмасы вә диндар күтләнин әксәријјәт тәшкил етмәси һаким даирәни нараһат едә билмәзди.
Чүнки бир тәрәфдән сионист Исраил режими гаршысында өһдәлик ҝөтүрән, диҝәр тәрәфдән өлкә әразисиндә Ислам атрибутларына һөрмәт гојулмасына тәминат вермәси зиддијјәт тәшкил едирди. Белә олан һалда Ислам ганунларына гаршы чыхмаг даһа мәгсәдә ујғун һесаб едилди.
Буну да гејд етмәк јеринә дүшәр ки, һөкумәт һәбсләрлә әлгәдар халгын ҝөзүндән пәрдә өртмәк мәгсәди илә тәкҹә Сәмәдову һәбс етмәклә кифајәтләнмәди. Чүнки әҝәр тәкҹә АИП сәдри һәбс олунсајды о заман халг һәбсин онун чыхышы илә әлагәли олдуғуну анлајар вә мәсәләнин нә јердә олдуғуну дәрк едәрди.
Бу мәгсәдлә дә бөлҝәләрдәки диндарларын репрессијасы ҝүндәмә ҝәлди. Масаллы рајону Хыл кәндинин ахунду Һаҹы Фәрамиз Аббсовун һәбсинә имза атылды вә халгын фикри тамам ајры истигамәтә јөнләндирилди. Бундан башга “Ҹәфәри” һејәтинин рәһбәри Һаҹы Абҝүл вә “ислам-азери” порталынын баш редактоту Рамин Бајрамову һәбс етмәклә даһа бир биабрчылығы нүмајиш етдирди.
Һакимијјәт унутду ки, Азәрбајҹан Республикасы Күтләви Информасија Васитәләри һагда гануна әсасән журналистин хәбәри әлдә етмәк, арашдырмаг вә јајмаг һүгугу вардыр. Журналист Рамин Бајрамовун һәбси Азәрбајҹан мәтбуатына нөвбәти зәрбә олду. Елмар Һүсејнов кими журналистин гәтлә јетирилдији бир өлкәдә нөвбәти журналист һәбсләри дә там бир
биабырчылыгдан башга бир шеј дејилди.
Лакин бу аддымы атмагла да һакимијјәт һәбсин әсл сәбәбләрини ҝизләтмәјә мүвәффәг ола билмәмишдир. Азәрбајҹан халгынын әксәријјәтини тәшкил едән инанҹлы күтлә һиҹабын мүдафиәси уғрунда ајаға галхараг мәһбәс хофу илә ҝери чәкилмәјиб јенидән мејданлара чыхараг бу дәфә јени мүҹаһидләрини мәһбәсләрә јола салдылар.
Шиә мүсәламан үчүн зиндан горхулу бир мәкан дејил. Бәлкә дә әтраф мүһитин чиркинлијиндән, ҝүнаһын түғјан етдији Бакы күчәләриндән сығорталанаҹаг бир мәканыдыр. Мәҝәр әһли-бејт Имамларынын азмы өз һәјатларыны мәһбәсдә Аллаһа ибадәтлә кечирибләр? Тағут һәр заман олдуғу кими јенә дә јанлыш планла һәрәкәт етмәкдәдир. Бу дәфә ки, јанлышы исә өзүнүн горхдуғу зинданы инанҹлы бириси үчүн ваһимәли һесаб етмәсидир.
Бу ҝүн дә јанылырсыныз.. һәбс етдијинизи сандығыныз шәхсләр һәр бири ајры-ајрылыгда әбәди солмајан азад бир ҝүлдүр. Там Имам Мусеји Казим(ә)ин тимсалында “зинданда бир Ҝүл”.
Бундан сонра милјонларын һәр намазда етдији дуалара бир дуа даһа изафә олунаҹаг. “Зинданда бир Ҝүл” үн ешгинә. 12 илин һәр бир илини Әһли-бејтин 12 мүгәддәс руһуна еһсан олараг јашајан Ҝүлүн ешгинә.
Амма сакын унутмајын! 12 илдә милјонларын һәр намазда үзәринизә јағдыраҹаг ләнәтләрини дә унутмајын. Бу артыг һәр бир мүсәлмана фәрз гылынды сајәниздә. Мән илк олараг “Амин” дејирәм.
КӘНАН МЕҺДИ
