Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Бакы Ағыр Ҹинајәтләрлә Иш Үзрә мәһкәмәдә Исламчыларын Лидери АИП сәдри Мөвсүм Сәмәдов, онун мүавини Вагиф Абдуллајев, вә диҝәр руһаниләр Фәрамиз Аббасов, Руфулла Ахундзадә вә Губа рајон сакинләри Фирдовси Мәммәдрзајев вә Дәјанәт Сәмәдовун ҹинајәт иши илә бағлы нөвбәти мәһкәмә просеси кечирилди. Мәһкәмә шаһид ифадәләринин динләнилмәси илә башланылды. Илк олараг мәһкәмәјә шаһид гисминдә Һаҹы Мөвсүм Сәмәдовун атасы Мәрдан Сәмәдов ифадә верди.
Сизә анд верирәм ҝөјдә Аллаһа јердә өзүнүзә. Мән 78 илдир һагг ҝөрмүшәм.
“Мән Дәјанәт һаггында данышаҹағам. Оғлум өзү-өзүнү мүдафиә едә биләр. Дәјанәт исә јетим оғландыр. О сәһәр ишә ҝәлиб евинә ҝедән адамдыр. Сизә анд верирәм ҝөјдә Аллаһа јердә өзүнүзә. Мән 78 илдир һагг ҝөрмүшәм.”
Бу јердә һаким үзр истәјәрәк Мәрдан Сәмәдовдан ишин маһијјәти барәдә данышмағы хаһиш етди. Мәрдан Сәмәдов онун сәһәр саат 11-дә өз дүканына ҝәлдији заман орада полис вә диҝәр кәнар шәхсләрин ахтарыш апардығыны билдирди. “ Мән арха отаға ҝирәндә ҝөрдүн бир нәфәр орда нәсә ахтарыр. Сорушдум ки, нә ахтарырсан. Әлини салыб сејфин архасындан бир бағлама чыхарды вә деди ки, буну ахтарырдым. Сонра билдим ки, бу силаһдыр. Дәјанәти вә мәни апардылар полис идарәсинә, ордан да Бакыја ҝәтирдиләр. Мәнә дедиләр ки, изаһат јаз. Дедим ки, ејнәјим јохдур јаза билмирәм. Онда мүстәнтиг деди ки, мән өзүм јазарам. Мән дә дедим ки, јаз амма Аллаһы вә балаларыны ҝөзүнүн габағына ҝәтир сонра јаз. Билмәдим нә јазды. Јашлы адамам. Сонра да мән гол чәкдим.”
Бу јердә дөвләт иттиһамчысы шаһидә суаллар вермәјә башлады. Гејд едәк ки, јерсиз вә лазымсыз суаллар олдуғундан бәзиләрин һаким протоколдан чыхарды. Дөвләт иттиһамчысы шаһидә “дүкандакы маллары һардан алырсыз?”, “Нә сатырсыз?” кими мәнасыз суаллар вермәјә башлады. Һаким исә бу суаллары чыхармады. Вәкил Мәзаһир Шаһмаров вәсатәт галдырды.
Мәзаһир Шаһмаров: Мөһтәрәм һаким кечән дәфә бурда јаландан өзүнү диндар кими ҝөстәрән шаһидләрә “намаз гылырсыз?” суалыны вермәјә гојмадыныз. Бәс нијә ишин маһијјәтинә аид олмајан суаллара имкан верирсиз? Хаһиш едирәм бизә шәраит јарадын.
Һаким: Јарадылыр.
Мәрдан Сәмәдовун мәһкәмәјә вердији ифадә илә истинтага вердији ифадә зиддијјәт тәшкил етдијиндән һаким онун ифадәсини охуду.
Һаким: Бу ифадәдә јазыланлары сиз демисиз?
Шаһид: 10 фаизи дә мәним сөзләрим дејил. Ахы мән она дедим ки, дүз јаз. Евдә балаларын вар.
Бу јердә вәкил Һәбиб Әлијев һакимә ифадәдә зиддијјәтләрин олдуғуну билдирди. Лакин кечән дәфә олдуғу кими бу дәфә дә дөвләт иттиһамчысы һакимин јеринә вәкилә ҹаваб верди.
Һәбиб Әлијев: Мән баша дүшмүрәм ҹәнаб һаким белә чыхыр ки. ҝәлән дәфә сизин јеринизә дөвләт иттиһамчысындан иҹазә алаг.
Дәјанәт Сәмәдов: Мәнә тәзјиг едиб ифадә алыблар.
Дәјанәт Сәмәдовун ифадәсиндә дүкандан тапылан силаһларын онун тәрәфиндән тапылдығыны вә полисә тәһвил верәҹәји јер алыб. Лакин Дәјанәт Сәмәдов бу ифадәни тәзјиг алтында вердији деди.
Јенә дә шаһидләрин ифадәләри дүз ҝәлмәди
Мәһкәмәјә шаһид гисминдә ифадә верән АИП-ин рајон тәшкилатларынын рәһбәрләри Вагиф Һүсејнов, Таһир Мәммәдов вә Раһил Рзајев ифадә верәркән иттиһам олунан шәхсләрин һеч бир заман дөвләт әлејһинә, террор вә диҝәр тәгсирләндирдикләри әмәлләри етмәдикләри вә бу барәдә һеч јердә данышмадыгларыны дедиләр. Мараглы мәгамлардан бири дә о олду ки. һәр үч шаһидин ифадәләриндә зиддијјәт олду. Белә ки, шаһидләр ифадәни өзләри јазмадығыны вә имзалајаркән охумадыгларыны билдирдиләр.
Прокурорун мәһкәмәјә ҝәлмәкдән имтина едән “шаһидләри”
Шаһидләрин ифадәләриндән сонра һаким мәһкәмәјә телеграмлар дахил олдуғуну билдирди. Белә ки, Астара вә масаллыдан олан шаһидләр нәдәнсә һамысы “хәстә олдуғундан” мәһкәмәјә ҝәлә билмәдикләрини вә истинтага вердикләри ифадәләри тәсдигләдикләрини билдирибләр. Буна етираз едән вәкилләр вә иттиһам олунан шәхсләр һәмин шаһидләрин мәһкәмәјә ҝәтирилмәсини тәләб етдиләр. Мәһкәмә фасиләдән сонра буну елан едәҹәјини билдирдәрәк фасиләјә јолланды.
“Ҝет гој Аллаһ өзү сәнинлә билсин”
Гејд едәк ки, әввәл ҝүндән дөвләт иттиһамчысы мәһкәмәдә јерсиз олараг һәрәкәтләр едир. Лазымсыз вә ҝүлмәли суаллар верир. Һәмчинин тәгсирләндирилән шәхсләрин һиссијјатына тохунан сөзләр дејир. Дәфәләрлә Руфулла Ахундзадә башда олмагла диҝәр иттиһам олунан шәхсләри өзүндән чыхардан прокурор бу дәфә дә мараглы һәрәкәтләр етди. Мәрдан Сәмәдов данышан заман дүканын саһиби олдуғуну десә дә дөвләт иттиһамчысы дүканын Дәјанәт Сәмәдова мәхсус олдуғуну билдирди. Ҝөрәсән буну һарадан билир. Вәкил Һәбиб Әлијев дә прокурорун бу сөзүнү арашдырмаг үчүн Мәрдан Сәмәдова дөвләт иттиһамчысыны дүканда ҝөрүб-ҝөрмәдијини сорушду. Мәһкәмә фасиләјә ајрылан заман прокурор Фәрамиз Аббасовун гоһумларынын шаһидләрә тәзјиг етдијини деди вә Аббасовла мүбаһисәјә ҝирди. Сејјид Фәрамиз исә она бир ҹүмлә деди. “Прокурор бу вахта гәдәр сәнә һеч бир сөз демәмишәм. Амма инди дејирәм. Ҝет гој аллаһ өзү сәнинлә билсин.”
Диггәт: Хәбәрдән истифадә етдикдә мәнбәјә истинад лазымдыр
