Әһли Бејт -АБНА- хәбәр аҝентлијинин вердији хәбәрә әсасән: Дүнјаны вә еләҹә Јахын Шәрги бир биринә гатан, дүнја халгларынын инкишафына таб ҝәтирмәјән Ишғалчы Исраил дә өз пајыны алды. Неҹә дејәрләр “нә төкәрсән ашына о чыхар гашығына!” Режими бүрүмүш антиһөкумәт аксијаларына бир ҝүндә 150 миндән артыг инсан гатылды; Нетанјаһу диктатор адландырылды.
Ијулун 30-да Бакы вахтилә 23:00-да башда гондарма пајтахт Тәл Әвив, Гүдс, Һајфа, Бер Шева, Ашдод, Назарет олмагла 11 мүхтәлиф шәһәрдә ејни саатда тәшкил олунан антиһөкумәт аксијаларына 150 миндән артыг инсанын гатылдығы билдирилир. Етиразчылар һөкумәтдән даһа уҹуз мәнзил вә даһа јахшы һәјат шәраити тәләб едибләр.
Сионист сијасәтиндән зинһарә ҝәлмиш етиразчылар полис алајлары илә тоггушаркән әлбә-јаха олублар. Исраил режимин полисләри јүзләрлә етиразчылары тутараг мүвәггәти һәбс калонијаларына апармышлар. Бәзиләринин јери мәлум дејил.
Ики һәфтә әввәл Дафни Лиф адлы бир ҝәнҹ гызын кирајә галдығы евдән чыхарылмасындан сонра Тәл Әвивин мәшһур “Ротшилдт” проспектиндә чадыр гурмасыјла башлајан етираз далғасы бөјүјәрәк бүтүн өлкә әразисинә јајылды. Даһа уҹуз јашајыш јерләри тәләбијлә башлајан етираз нүмајишләринә аналар, ајлардыр һөкумәтлә узлаша билмәјән һәкимләр, тәләбә дәрнәкләри, фәһләләр вә өлкәнин гәрб һиссәсиндә јашајан вәтәндашлар гатылыб.
Етиразчылар “Сәдәгә дејил, иҹтимаи әдаләт истәјирик”, “Һөкумәт халга, халг һөкумәтә гаршы” шүарлары сәсләндирибләр.
Диггәт: Хәбәрдән истифадә етдикдә мәнбәјә истинад лазымдыр
