Әһли Бејт -АБНА- хебер аҝентлијинин вердији хәбәрә әсасән: « SОCАR Gеоrgiа Pеtrоlеum» MMC Ҝүрҹүстанда « SОCАR » брендли даһа 3 јени јанаҹагдолдурма мәнтәгәсини истифадәјә вериб.
Азәрбајҹан Дөвләт Нефт Ширкәтиндән (АРДНШ) «АПА-ЕCОNОМICS»ә верилән мәлумата ҝөрә, јанаҹагдолдурма мәнтәгәләриндән бири Кахетија бөлҝәсинин Ахмета рајонунда, даһа 2-си исә Тбилиси ҝөлүнүн јанында вә Варкетели гәсәбәсиндә истифадәјә верилиб. Бунунла да Ҝүрҹүстандакы «SОCАR» јанаҹагдолдурма мәнтәгәләринин сајы 74-ә чатыб.
Гејд едәк ки, бу илин сонунадәк Ҝүрҹүстанда тикилиб истифадәјә верилмиш «SОCАR» брендли јанаҹагдолдурма мәнтәгәләринин сајы 100-ә чатдырылаҹаг.
Хатырладаг ки, 2006-ҹы илдән фәалијјәт ҝөстәрән «SОCАR Gеоrgiа Pеtrоlеum » ММҸ АРДНШ-ын «SОCАR Еnеrgy Gеоrgiа» ширкәтинин 100%-ли төрәмә мүәссисәсидир. Мүәссисә Ҝүрҹүстан базарына нефт мәһсулларынын (бензин, дизел, авиасија јанаҹағы, сыхылмыш газ, битум, мазут) идхалы, һәмчинин нефт мәһсулларынын топдан вә пәракәндә сатышы, SОCАR бренди алтында мүасир стандартлара ҹаваб верән јанаҹагдолдурма мәнтәгәләринин вә нефт базаларынын тикинтиси илә мәшғулдур.
Гејд едәк ки, Әлијевләр режими Ҝүрҹүстан бензин базарыны әлә кечиртмәләри јахын ҝәләҹәкдә Ишғалчы Ермәнистанын Нефт вә Газ јанаҹагларыны даһада асан тәмин етмәк вә бу јолда һеч бир сәнәд изин сахламамагдан өтрү ҝөрүлмүшдүр.
Диггәт: Хәбәрдән истифадә етдикдә мәнбәјә истинад лазымдыр
