Әһли Бејт -АБНА- хәбәр аҝентлијинин вердији хәбәрә әсасән: Ијулун 23-ү Загаталада Гарабағ дөјүшчүләринин форуму кечирилиб. Гарабағ Азадлыг Тәшкилатынын тәшәббүсү илә кечирилән форума Бакы, Ағдам, Тәртәр, Хачмаз, Ағсу, Загатала, Шәки, Балакән, Гах, Сумгајыт вә диҝәр бөлҝәләрдән нүмајәндәләр иштирак едиб.
Дөјүшчүләрин гәбул етдији бәјанатда дејилир: “Биз Гарабағ мәсәләсинин сүлһ јолу илә һәллинә инанмырыг. Ијирми илдир давам едән данышыглар һеч бир нәтиҹә вермәјиб. Бејнәлхалг тәшкилатларын тәклиф етдикләри вариантлар Азәрбајҹанын марагларына ујғун дејил. Бу тәклифләрдән Дағлыг Гарабағдакы гондарма режимә кечид статусунун тәмин олунмасы, ермәниләрә Лачын дәһлизинин верилмәси, Дағлыг Гарабағ әтрафындакы рајонлардан икисинин бошалдылмасынын сонраја сахланылмасы, сүлһмәрамлы гүввәләрин реҝиона јерләшдирилмәси, Дағлыг Гарабағын статусу илә бағлы һәр һансы формада референдумун кечирилмәси илә бағлы тәклифләр хүсуси илә тәһлүкәлидир вә һеч бир һалда гәбул едилә билмәз. Бу тәклифләрин гәбул едилмәси Дағлыг Гарабағын һүгуги ҹәһәтдән Ермәнистана тәһвил верилмәсиндән, ишғалчы Ермәнистана тәслим олмагдан вә милли мараглара хәјанәтдән башга бир шеј дејил.
Јаранмыш вәзијјәтә, торпагларымызын ишғал алтында галмасына, инсанларымызын, о ҹүмләдән ушагларымызын гәтлә јетирилмәсинә артыг дөзмәк олмаз. Биз буна артыг дөзмәмәлијик. Бир милләт вә дөвләт олараг ләнҝимәдән ишғалчы Ермәнистана гаршы мүһарибәјә башламалыјыг. Биз Азәрбајҹан ҹәмијјәтинин бүтүн тәбәгәләрини, иҹтимаи, сијаси гурумлары јалныз мүһарибә тәләби илә чыхыш етмәјә чағырырыг!”
Диггәт: Хәбәрдән истифадә етдикдә мәнбәјә истинад лазымдыр
