Әһли Бејт -АБНА- хәбәр аҝентлијинин вердији хәбәрә әсасән: Лондонун Тәбиәт Тарихи музејиндә гәрибә һадисә баш вериб.
паранормал неwс- билдирир ки, барамадан чыхан кәпәнәк музеј ишчиләрини јүнҝүл шока салыб.
Иш бурасындадыр ки, о, ејни заманда һәм еркәк, һәм дә диши фәрд сајылыр. Бәдәни исә бир-бириндән фәргли ики һиссәдән ибарәтдир.
Кәпәнәјин ганадлары ачылмыш вәзијјәтдә 10 см тәшкил едир. Онун "киши" ганадлары гара, "гадын" ганадлары исә бир аз ачыгдыр вә үзәриндә гырмызы халы вар. Бујнузларынын узунлуглары да фәргләнир. Гарнындакы ҹинсијјәт органлары исә битишикдир.
Бу феномен кәпәнәјин ҹинсијјәтинин мүәјјәнләшмәсиндә иштирак едән хромосомларын дүзҝүн пајланмамасы нәтиҹәсиндә јараныб. Ҝинандроморфлар, јәни бәдәнинин мүхтәлиф һиссәләри ајры-ајры ҹинсләрә аид олан фәрдләрә кәпәнәкләр арасында ҹәми 0,01% һалларда раст ҝәлинир.
Ҝинандроморфизм надир олса да, хәрчәнҝ, омар, һөрүмчәк вә һәтта ҹүҹәләрдә дә раст ҝәлинир.
Гејд едәк ки, кәпәнәјин "сонсуз" олдуғу билдирилиб. О, ҹәми 1 ај јашајаҹаг, сонра исә музејин коллексијасында јерләшдириләҹәк.
Диггәт: Хәбәрдән истифадә етдикдә мәнбәјә истинад лазымдыр
