Әһли Бејт -АБНА- хәбәр аҝентлијинин вердији хәбәрә әсасән: Ијулун15-дә Истанбулда кечириләҹән Ливија Тәмас Групунун топлантысындан өнҹә Русија президенти Дмитри Медведевин хүсуси нүмајәндәси Михаил Маргелов журналистләрлә ҝөрүшдә шок мәлуматла чыхыш едиб. Ливија диктатору илә бир нечә дәфә ҝөрүшән Маргелов јерли вә хариҹи гүввәләр тәрәфиндән пајтахт Триплонин мүһасирәсинин давам едәҹәји тәгдирдә Гәззафинин интиһар планына әл атаҹағыны сөјләјиб. “Известија” гәзетинә ачыгламада Маргелов билдириб ки, Ливија баш назири илә ҝөрүш заманы һөкумәт башчысы русијалы дипломата Триполијә јахнлашан үсјанчыларын топ вә мәрмиләрлә мәһв едиләҹәјини дејиб. Баш назир интиһар планына әсасән пајтахтын тамамилә мәһвини һәтта Мүәммәр Гәззафинин өзүнүн дә өлә биләҹәјини истисна етмәјиб.
Ливијалы үсјанчылар исә өлкәдәки вәтәндаш мүһарибәсинә сон гојмаг үчүн Мүәммәр Гәззафи илә данышыглар апарылмасына даир хәбәрләри тәкзиб едиб. Үсјанчыларын лидери Маһмуд Ҹибрил Гәззафи режими илә Милли Кечид Шурасы арасында данышыгларын апарылмасы барәдә мәлуматларын јалныш иддиа олдуғуну сөјләјиб. Ҹибрил бу ачыгламаны Брүсселдә Ишғалчы НАТО рәсмиләри илә ҝөрүшү заманы дејиб.
Хатырладаг ки, бир нечә ҝүн өнҹә Франсанын баш назири Франсуа Фијон Русија вә Африка Бирлијинин Ливија үсјанчылары илә һөкумәт арасында данышыгларын апарылмасында васитәчилик тәшәббүсләринин олдуғуну билдирмишди. Хариҹи ишләр назири Ален Жүпе исә Ливија диктаторунун һакимијјәтдән ҝетмәјә разылыг вердијини бәјан етмишди.
Диггәт: Хәбәрдән истифадә етдикдә мәнбәјә истинад лазымдыр
