Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Республикасы мүстәгллијини әлдә едән ҝүндә илк икинҹи рәсми дөвләт гејдијјатындан кечмиш Азәрбајҹан Ислам Партијасынын лидери Доктор Мөвсүм Сәмәдов вә диҝәрләринин истинтагы битиб. Өтән шәнбә иттиһам акты тәгсирләндирилән шәхсләрин вәкилләринә тәгдим олунуб. Республика Прокурорлуғу мәтбуат хидмәтинин рәһбәри Елдар Султанов “Медиа форум” сајтына ачыгламасында билдириб ки, гејд едилән иш үзрә ибтидаи истинтаг тамамланыб вә бахылмасы үчүн Бакы Ағыр Ҹинајәтләр Мәһкәмәсинә ҝөндәрилиб.
Вәкил Анар Гасымов “Медиа форум”а дејиб ки, о, вә диҝәр вәкилләр истинтаг ишинә хитам верилмәси үчүн истинтаг групу гаршысында вәсатәт галдырыблар: “Почт васитәсилә бизә ҝөндәрилән ҹавабда билдирилиб ки, вәсатәтимиз тәмин олунмајыб”.
Бу ил јанварын 7-дән Азәрбајҹан Ислам Партијасы үзвләринин вә бәзи диндарларын һәбси башлајыб. Һәмин ҝүн Мөвсүм Сәмәдов, онун сүрүҹүсү Мирһүсејн Казымов, АИП тәшкилат шөбәсинин мүдири Вагиф Абдуллајев вә партија функсионери Елчин Һәсәнов полисләр тәрәфиндән өнҹәдән планлашдырылмыш тәләјә салынараг һәбс едилимишләр. Јанварын 8-дә Нәриманов Рајон Мәһкәмәси Вагиф Абдуллајевә 15, Мөвсүм Сәмәдова вә Елчин Һәсәнова 13, Мирһүсејн Казымова исә 11 сутка иш вериб. Онлар полисә табе олмамагда шәрләнәрәк тәгсирли билинибләр.
Һәмин ҝүн Дахили Ишләр Назирлијинин Баш Мүтәшәккил Ҹинајәткарлыгла Мүбаризә Идарәси Доктор Мөвсүм Сәмәдовун Губа рајонунда јашајан әмиси оғлу Дәјанәт Сәмәдовун ишләдији дүканда гондарма әмәлијјат-ахтарыш тәдбирләри кечириб. Доктор Мөвсүм Сәмәдовун атасы Мәрдан Сәмәдова мәхсус електрик маллары мағазасына бахыш заманы орадакы сејфин алтындан ҝүја 3 әдәд әл гумбарасы, һабелә јашадығы евдән 7 әдәд автомат патрону вә ичәрисиндә дини радиклазми тәблиғ едән мәлуматларын олдуғу електрон дашыјыҹылар ашкарланараг ҝөтүрүлүб. Дәјанәт Сәмәдов һәбс олунуб.
Јанварын 11-дә Мөвсүм Сәмәдовун гајыны Фирдовси Мәммәдрзајевин евиндә дә гондарма ахтарыш апарылыб вә ҝүја 10 әдәд “Ф-1” әл гумбарасы вә онлар үчүн алышдырыҹылар, 40 әдәд автомат патрону вә автомат силаһы үчүн 1 әдәд дараг ашкар едилиб. Фирдовси Мәммәдрзајев јанварын 13-дән һәбсдәдир.
Јанварын 18-дә АИП тәшкилат шөбәсинин мүдири Вагиф Абдуллајевә, ајын 20-дә исә Мөвсүм Сәмәдова иттиһам ирәли сүрүлүб.
Һәмин ај партијанын Астара рајон тәшкилатынын сәдри Руфулла Ахундзадәјә, Масаллынын Хыл кәндинин ахунду Фәрамиз Аббасова мәхсус евләрдә дә гондарма әмәлијјат-ахтарыш тәдбирләри һәјата кечирилиб вә силаһ-сурсат ашкар едилдикдән сонра онлар да һәбс олунублар.
Исламчылар Ҹинајәт Мәҹәлләсинин 28, 214.2.1-ҹи (габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (ҹинајәткар тәшкилат) тәрәфиндән ҹинајәтә һазырлыг), 28, 214.2.3-ҹү (одлу силаһдан вә силаһ гисминдә истифадә олунан предметләрдән истифадә етмәклә ҹинајәтә һазырлыг), 228.3-ҹү (ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә), 278-ҹи (һакимијјәти зорла әлә кечирмә вә ја ону зорла сахлама) маддәләри илә шәрләнәрәк залым режим тәрәфиндән иттиһам олунурлар.
Јалныз Руфулла Ахундзадәјә Ҹинајәт Мәҹәлләсинин 283.1 (милли, ирги, сосиал вә ја дини нифрәт вә дүшмәнчилијин салынмасына, милли ләјагәтин алчалдылмасына, һабелә милли, ирги вә ја дини мәнсубијјәтиндән асылы олараг вәтәндашларын һүгугларынын мәһдудлашдырылмасына вә ја үстүнлүкләринин мүәјјән едилмәсинә јөнәлән һәрәкәтләр, ашкар сурәтдә вә ја күтләви информасија васитәләриндән истифадә олунмагла төрәдилдикдә) маддәси илә шәрләнилиб јени иттиһам ирәли сүрүлүр.
Әдаләтли инсанлар јәгин билир ки, бу һәбсләр сијаси характерлидир вә әсасән јанварын 2-дә партијанын Баш Мәҹлисиндә Доктор Мөвсүм Сәмәдовун чыхышы илә бағлыдыр.
2007-ҹи илдә партија сәдри сечилән Доктор Мөвсүм Сәмәдов јанварын 2-дә Азәрбајҹан Ислам Партијасы Баш Мәҹлисинин иҹласында чыхыш едәрәк мәктәбләрдә һиҹаба гадаға гојулмасыны кәскин писләјиб вә һакимијјәтин өлкә сәвијјәсиндә рәваҹ вердији коррупсијаја, ганун позғунлуғуна, ишғалчы сионист режимин ҝөстәришләрини әлијевләр тәрәфиндән ҹанла вә башла һәјата кечирилмәсини тәнгид едәрәк Мәһәммәд Пејғәмбәрдән (сәлләллаһу әлејһи вә алеһ) “динә тәрәф бәла ҝәлсә, ҹанынызы верин, дининизи гуртарын” дејә ситат ҝәтирән АИП лидери Азәрбајҹан халгыны “ајаға галхмаға вә залым режимә сон гојмаға” чағырыб.
Диггәт: Хәбәрдән истифадә етдикдә мәнбәјә истинад лазымдыр
