Әһли Бејт -АБНА- хәбәр аҝентлијинин вердији хәбәрә әсасән: Гафгаз Мүсәлманлары Идарәси вә онун рәһбәри Шејх Аллаһшүкүр Пашазадәнин ады даһа бир галмагалда һалланды. Бу дәфә сөһбәт һәмин идарәнин мүстәсна сәлаһијјәтиндә олан бизнесә-Һәҹҹ зијарәтинин тәшкилинә Исраил ширкәтинин дә ортаг олмасындан ҝедир. Беләки Гафгаз Мүсәлманлар Идарәси мүсәлманлара дејил Сионистләрә хидмәт етдијини бирд аһа сүбута јетирди.
“ИзРус” порталынын хәбәринә ҝөрә, Ишғалчы Исраилин “Елита ВИП Турс” туризм ширкәтинин рәһбәри Шмуел Раһман буҝүнләрдә Бакыда ики јерли туризм ширкәти илә Исраилдәки мүгәддәс мәканлара кичик Һәҹҹ зијарәтинин (Имрә) тәшкилинә даир мүгавилә бағлајыб. Лакин бу мүгавиләјә әсасән азәрбајҹанлылар бөјүк Һәҹҹ зијарәтинә дә Исраил үзәриндән ҝедә биләрләр.
Ш.Раһман дејиб ки, о, Бакыда “Ҝалахј Травел” вә “Пасһа Травел” туризм ширкәтләри илә мүгавилә бағлајыб. Бу ширкәтләр тезликлә Ишғалчы Исраилдә мүсәлманлар үчүн Фәләстиндәки ишғал етдикләри мүгәддәс мәканлара вә гоншу өлкәләрдәки зијарәтҝаһлара сәјаһәтләрин тәшкилинә даир реклам кампанијасына башлајаҹаглар.
Ишғалчы Исраил бизнесмени дејиб ки, Азәрбајҹанда онун “Кичик Һәҹҹ” лајиһәси үчүн кифајәт гәдәр потенсиал мүштәриләри вар! Азәрбајҹанлы диндарлар һәм дә Мәккә зијарәтинә Ишғалчы Исраил үзәриндән ҝедә биләрләр. “Азәрбајҹанын илдә Мәккәјә зијарәт тәшкил етмәк үчүн 10 мин нәфәрлик квотасы вар. Бу мәканы бир чох мүсәлманлар зијарәт етмәк истәјир, лакин квотаја дүшә билмирләр. Мән онлара ”Кичик Һәҹҹ" зијарәти тәклиф едирәм, бу зијарәтә гатылмагла онлар Ишғалчы Исраилдә мүсәлманларын мүгәддәс мәканларынын неҹә горундуғуну ҝөрә, бизим мүсәлманларла савашмадығымыза әмин ола биләрләр", дејә Ш.Раһмон билдириб.
Јәһуди бизнесмен дејиб ки, “Бөјүк Һәҹҹ” Исраилдәки мүгәддәс мәканлары зијарәт етмәдән натамам сајылыр. Она ҝөрә дә о, Азәрбајҹандан олан мүштәриләрә тәклиф едир ки, Иорданијадан кечмәклә Исраилә, орадан исә Мәккәјә сәјаһәт етсинләр. “Бу, бизим ексклүзив идејамыздыр. Бизим Ишғалчы Исраилдә зијарәтчиләри гаршылајыб орадан Мәккәјә јола салмаг үчүн тәрәфдашларымыз вар. Зијарәтдән сонра онларын ҝери гајытмасыны да тәшкил едәҹәјик”, дејә бизнесмен билдириб. О дејиб ки, Бакыдакы данышыгларда Ишғалчы Исраил сәфирлији вә јерли јәһуди иҹмасындан көмәк ҝөрүб. Бизнесмен Азәрбајҹанда Һәҹҹ зијарәтинин тәшкили үчүн мүстәсна сәлаһијјәтләрә малик олан Гафгаз Мүсәлманлары Идарәсинин һәмин сөвдәләшмә илә бағлы мөвгејинин неҹә олдуғу барәдә һеч нә демәјиб. Анҹаг бу саһәни билән експертләр дејир ки, Гафгаз Мүсәлманлары Идарәси Һәҹҹ зијарәтинин тәшкили үчүн Сәудијјә Әрәбистанынын рәсмән таныдығы јеҝанә гурумдур. Бу бахымдан мүсәлманларын ән мүгәддәс мәканына тәшкил олунан зијарәтләр дә бу идарә илә разылашдырылмалыдыр. Демәли, сөзүҝедән сөвдәләшмә идарәнин вә онун рәһбәринин разылығы олмадан баш тута билмәзди. Ејни заманда хәбәрдән белә мәлум олур ки, Ишғалчы Исраил бизнесмени Сәудијјә Әрәбистаны тәрәфиндән Азәрбајҹана ајрылан квотадан кәнар Һәҹҹ зијарәтләринин тәшкилини разылашдырыб.
Дини експертләр һесаб едир ки, белә бир мүгавилә јалныз сионизимә хидмәт етмәкдән савајы башга бир шеј дејилдир вә бүтүн Ислам аләминдә гынанаҹаглы бир мәсәләдир. Ермәнистанын Гарабағ Азәрбајҹан торпагларыны ишғал етмәси тәкин Фәләстин торпагларыны Ишғал етмиш вә бүтүн мүсәлман өлкәләринин дахили вә хариҹи сијасәт вә игтисадијјатында даиым әнҝәлләр јаратмыш сионист Исраил фашистләри илә бу мүгавиләни гурмаг Аллаһ Тәалаја гаршы үсјан етмәк демәкдир.
Һәҹҹ зијарәтинин монополисти Аллаһшүкүр Пашазадәнин бу рәзил разылығы истәр пул тамаһы илә истәрсәдә горху һүркүсү илә олурса олсун һәр икиси бөјүк биабырчылыгды.
Сән демә Аллашүкүр Ислам дејил Сионист хадими имиш!
Диггәт: Хәбәрдән истифадә етдикдә мәнбәјә истинад лазымдыр
