Әһли Бејт -АБНА- хәбәр аҝентлијинин вердији хәбәрә әсасән: Артыг 7 ајдан артыгдыр ки, орта мәктәбләрдә һиҹаб гадағасы тәтбиг едилир. Сирр дејил ки, бу гадаға јүзминләрлә инанҹлы инсаны мәнәви изтираба мәруз гојан бир сәҹијјә дашыјыр. Бунунла јанашы, гадаға ҹәмијјәтдахили вәһдәтә мәнфи тәсир ҝөстәрир, өлкәнин инкишафы үчүн зәрури олан дахили бағлантыларын зәифләмәсинә ҝәтириб чыхарыр. Буну нәзәрә алараг, проблемин көклү һәллинә наил олмаг, өлкәнин ҝәләҹәк инкишафына өз төһфәсини вермәк, Уҹа Јарадан гаршысында вәзифәсини иҹра етмәк, ҹәмијјәтдахили вәһдәтин ҝүҹләндирилмәсинә, дөвләтчилијин мөһкәмләнмәсинә әһәмијјәтли төһфә вермәк нијјәтилә, ДЕВАММ – Дини етигад вә виҹдан азадлыгларынын мүдафиә Мәркәзи Конститусијанын 12.Ы (Инсан вә вәтәндаш һүгугларынын вә азадлыгларынын тәмин едилмәси дөвләтин али мәгсәдидир), 26.ЫЫ (Дөвләт һәр кәсин һүгугларынын вә азадлыгларынын мүдафиәсинә тәминат верир), 48.Ы (Һәр кәсин виҹдан азадлығы вардыр) 48.ЫЫ (Һәр кәсин динә мүнасибәтини мүстәгил мүәјјәнләшдирмәк, һәр һансы динә тәкбашына вә ја башгалары илә бирликдә етигад етмәк, јахуд һеч бир динә етигад етмәмәк, динә мүнасибәти илә бағлы әгидәсини ифадә етмәк вә јајмаг һүгугу вардыр) маддәләрини рәһбәр тутараг, Конститусијанин 57.Ы (Азәрбајҹан Республикасы вәтәндашларынын дөвләт органларына шәхсән мүраҹиәт етмәк, һабелә фәрди вә коллектив јазылы мүраҹиәтләр ҝөндәрмәк һүгугу вардыр) маддәсинә вә “Вәтәндашларын мүраҹиәтләринә бахылмасы гајдасы һаггында” Азәрбајҹан Республикасынын Ганунунин 1-ҹи маддәсинә истинад едәрәк, “Азәрбајҹан Республикасынын президентинә јүзминлик мүраҹиәт” кампанијасына башламасыны бәјан едир.
Кампанија чәрчивәсиндә азы 100 мин вәтәндашын имзасыны топлајараг, Азәрбајҹанын дөвләт башчысына һиҹаб проблеминин һәлли үчүн мүраҹиәт етмәк нәзәрдә тутулур.
Дүнјаҝөрүшүндән, сијаси мәнсубијјәтиндән, етигадындан асылы олмајараг, ҹәмијјәтин бүтүн тәбәгәләринин тәмсилчиләринин кампанијада иштиракы нәзәрдә тутулмушдур. ДЕВАММ сәдри Һаҹы Илгар Ибраһимоғлу бу барәдә билдириб: “Кампанија бөлүшдүрүҹү дејил, бирләшдириҹи миссија дашыјаҹаг. Бу проблемин галмасы һеч кәсә хејир ҝәтирмәз. Нијјәтимиз одур ки, хошмәрамлы тәшәббүслә дини етигадла бағлы јашанан проблемләрин бирдәфәлик чөзмәсинә наил олаг”.
Кампанијанын апарылмасынын тәфсилаты вә ҝедишаты барәдә әлавә мәлуматын верилмәси нәзәрдә тутулмушдур.
Диггәт: Хәбәрдән истифадә етдикдә мәнбәјә истинад лазымдыр
