Әһли Бејт -АБНА- хәбәр аҝентлијинин вердији хәбәрә әсасән: Исмајыллы рајонунда 2 ушаг анасыны гәтлә јетирән севҝили һәбс олунду. Рајон Прокурорлуғундан верилән мәлумата ҝөрә, һәмин шәхс Ханлар Мәммәдовдур. О, гәтли өтән ај төрәтсә дә, бу вахта кими истинтагдан ҝизләнмәји баҹарыб.
Гәтл һадисәсинә ҝәлинҹә, ганлы һадисә мајын 11-дә Ҹәлил Мәммәдгулузадә күчәси, 7 үнванында төрәдилиб. Һәмин үнванда јерләшән евдә јашајан 39 јашлы Диларә Вәлијева өлмүш, 54 јашлы гардашы Әләкбәр Вәлијев исә јаралы вәзијјәтдә ашкар едилиб.
Ганлы һадисә гысганҹлыг зәмининдә төрәдилиб. Әввәлләр аиләли олан Диларә Вәлијеванын тәхминән 10 ил әввәл һәјат јолдашы рәһмәтә ҝедиб. Сонра гејри-рәсми олараг бир нәфәрлә јашајырмыш. Лакин бир мүддәт әввәл онунла да әлагәни кәсәрәк 2 ушағы илә Бакы шәһәринә ҝәлиб. Мәрһум һадисәдән бир ҝүн әввәл Исмајыллы рајонуна гонаг ҝедибмиш. Онун елә гејри-рәсми јашадығы киши тәрәфиндән өлдүрүлдүјү мүәјјән едилиб. Мәрһумун гардашы һадисә вахты евдә олдуғундан һәмин шәхс ону да јаралајыб.
Полис әмәкдашлары Х.Мәммәдову өтән ҝүн тутараг истинтага тәһвил верибләр.
Ҹинајәт Мәҹәлләсинин гәсдән адам өлдүрмә (120.1-ҹи) вә гәсдән ики вә ја даһа артыг шәхси өлдүрмәјә ҹәһд (29, 120.2.7-ҹи) маддәләри илә башланмыш ҹинајәт ишинин истинтагы давам етдирилир.
Диггәт: Хәбәрдән истифадә етдикдә мәнбәјә истинад лазымдыр
