Әһли Бејт -АБНА- хәбәр аҝентлијинин вердији хәбәрә әсасән: Дәјишикликләрә әсасән, “азадлығын мәһдудлашдырылмасы” ҹәза нөвү ҹинајәт ҹәзалары системиндән чыхарылыб. Һәр ики сәнәддә гејд олунан мүддәалар чыхарылыб вә диҝәр ҹәза нөвү илә әвәз едилиб.
Јени дәјишикликләрә әсасән, мәһкәмәләр азадлығын мәһдудлашдырылмасы ҹәзасына мәһкум едилмиш шәхсләрин ишинә онларын әризәси, јахуд иҹраедиҹи мүәссисәнин тәгдиматы илә јенидән бахаҹаг.
Гануна едилмиш дәјишикликләр гүввәјә миндији ҝүндән етибарән, азадлығын мәһдудлашдырылмасы ҹәзасынын чәкилмәмиш һиссәси бир илдән артыг олмадыгда 1 ҝүн азадлығын мәһдудлашдырылмасына 1 ҝүн ислаһ ишләри һесабланмагла ислаһ ишләри ҹәзасы, јахуд 300 манатдан 500 манатадәк ҹәримә ҹәзасы илә, ҹәзанын чәкилмәмиш һиссәси 1 илдән 2 иләдәк олдугда исә 1 ҝүн азадлығын мәһдудлашдырылмасына 1 ҝүн ислаһ ишләри һесабланмагла, ислаһ ишләри ҹәзасы, јахуд 500 манатдан 800 манатадәк мигдарда ҹәримә ҹәзасы илә әвәз едиләҹәк.
Бундан әлавә, азадлығын мәһдудлашдырылмасы ҹәзасынын чәкилмәмиш һиссәси 2 илдән чох олдугда 800 манатла 1000 манат арасында ҹәримә тәтбиг едиләҹәк.
Диггәт: Хәбәрдән истифадә етдикдә мәнбәјә истинад лазымдыр
