Әһли Бејт -АБНА- хәбәр аҝентлијинин вердији хәбәрә әсасән: Иран Ислам Респубикасы Кәшфијјат Назирлијинин (ЕТТЕЛААТ) рәһбәри Һејдәр Мослеһи сон вахтлар тутулан 30-а јахын ҹасусун етирафларыны дөвләт телевизијасы илә јајаҹагларыны билдириб.
Һејдәр Мослеһи мајын 21-дә журналистләрә ачыгламасында өлкәдә АБШ Федерал Тәдгигатлар Бүросуна бағлы 30 ҹасусун тутулдуғуну демишди.
Мајын 25-дә журналистләрлә ҝөрүшән Мослеһи билдириб ки, хариҹдә өлкәдән ҹасус ҹәлб етмәклә мәшғул олан даһа 45 нәфәри мүәјјәнләшдирибләр: “Онларын нијјәти даһа чох өлкәнин нүвә, нефт вә газ секторуна, Енерҝетика Назирлијинә, еләҹә дә ајры-ајры тәшкилат вә органларын компүтер ҹиһазларына нүфуз етмәк олуб. Лакин буна мүвәффәг олмадылар.
Онлар јашыл фитнәдә (Ирандакы јашыл һәрәкаты нәзәрдә тутулур) уғур газана билмәдикләринә ҝөрә өлкәдә тәхрибат төрәтмәк нијјәтиндә идиләр. Сахланан һәмин шәхсләрин бир сыра етирафлары јахын вахтларда телевизијадан јајылаҹаг”.
Диггәт: Хәбәрдән истифадә етдикдә мәнбәјә истинад лазымдыр
