Әһли Бејт -АБНА- хәбәр аҝентлијинин вердији хәбәрә әсасән: Сон илләр Азәрбајҹан елиндә, халг күтләсинин ојанышы нәтиҹәсиндә инсанлар өз көкләринә вә динләринә гајыдараг тәкҹә адлары мүсәлман дејил әмәлләрини дә исламы дәјәрләрлә ујғунлашдырмышлар. Бу ишдән һүркүјә дүшән Әлијевләр режими ҝеҹә-ҝүндүз арасы кәсилмәдән бар-бар бағырараг Иран Ислам Республикасыны Азәрбајҹанын дахили ишләриндә дәхаләт етмәси илә шантажлајыр. Вә бунунлада халг арасында тәбии јаранмыш хошмәрамлы ојанышы јатырдмаг истәјир. Һәтта иш о јерә ҝәлиб чатыб ки, инди сионист нөкәри кими танынан Әлијевләр режими һеч чәкинмәдән гоншу дөвләтләрин ишләринә дә сәрбәст дәхаләт едир, орадакы инанҹлылары тәһгир етмәкдән белә чәкинмир. Белә ки, Әлијевләр режиминин Дини Гурумларла Иш үзрә Дөвләт Комитәсинин сәдри Һидајәт Оруҹов Ҝүрҹүстан Патриархынын хүсуси нүмајәндәси, Ҝүрҹү Православ Килсәсинин Хорнабуҹи вә Һерети Јепархијасынын јепископу Аркади Хачидзени вә Ҝүрҹүстанын бу режимдәки фөвгәладә вә сәлаһијјәтли сәфири Тејмураз Шарашенидзени гәбул едиб.
Дөвләт Комитәсинин сәдри бир баша Ҝүрҹүстанын дахили ишләринә дәхаләт едәрәк орадакы вәзијјәти өз хејринә һәлл етмәјә сәјләр ҝөстәрәрәк дејиб ки, Ҝүрҹүстанда јашајан сојдашларымыз дин саһәсиндә бизим режимин ҝөстәришләри илә разылашмырлар: “Тәәссүф ки, бу проблемләрин бир гисми һәлә дә галмагдадыр. Үстәлик, бу јахынларда Ҝүрҹүстан Мүсәлманлары Идарәси адлы јени гурумун јарадылмасы сојдашларымызын ҹидди наразылығына сәбәб олуб. Бу, бизим үчүн чох ҝөзләнилмәз һадисәдир вә ҹидди нараһатлығымыз вар”.
Үстәлик Оруҹов һеч чәкинмәдән 98% әһалиси мүсәлман олан олкәнин вәтәндашларыны ачыг тәһгир едәрәк онларын дини сүверенлијини рәсмән данараг бу сөзләри дә дејиб: “Азәрбајҹанда гејри-ислам тәмајүллү дин иҹмалара хариҹдәки мәркәзләринә табе олмаг һүгугу верилиб”. О Азәрбајҹанын 98% әһалисинин нә сәбәбдән өз дини мәсләләрини өлкә хариҹиндәки Ислам мәркәзләриндән бәһрәләнә билмәмәләринә һеч бир изаһ вермәдән дејиб ки, һәмин гејри-ислам тәмајүллү дини иҹмаларда хариҹдәки мәркәзләри тәрәфиндән тәјин олунмуш руһаниләр фәалијјәт ҝөстәрирләр: “Бу мәсәләдә һеч бир гејри-ислам тәмајүллү иҹмаја мәһдудијјәт гојулмајыб. Һәтта, мәнсубларынын сајы чох аз олан гејри-ислам тәмајүллү дини иҹмаларын да бу гајдада фәалијјәт ҝөстәрмәси үчүн лазыми шәраит јарадылыб”.
Диггәт: Хәбәрдән истифадә етдикдә мәнбәјә истинад лазымдыр
