Әһли Бејт АБНА хәбәр аҝентлијинин вердији хәбәрә әсасән: Ҝүрҹүстанын дини ишләр үзрә рәсмиләри Метек Шеротон һотелиндә “дини ислаһатлар” пакетини мүзакирә едәрәк һеч дә бөлҝәдә сабитлијә хидмәт етмәјән гәрар гәбул етмишләр. Белә ки, Гафгаз Мүсәлманлары Идарәсинин Ҝүрҹүстан нүмајәндилијнин тәјинат һүгугу әлиндән алынараг јени јарадылмыш Ҝүрҹүстан Мүсәлманлары идарәсинә верилмишдир. Гәрара ҝөрә јени идарәјә вә бүтүн мәсҹидләрә Батумидәки мүфти рәһбәрлик едәҹәкдир.
Борчалы Ҹәмијјәтиндән Фактхебер.ҹом-а верилән мәлумата ҝөрә, Ҝүрҹүстанын бу гәрары реҝионда кифајәт гәдәр ҝәрҝин иҹтимаи-сијаси просеслер ҝетдији бир вахтда дүшүнүлмәмиш, Азәрбајҹан вә Ҝүрҹүстан арасында ҝәрҝинлик јаратмаға һесабланмыш, бөлҝәдә барыш вә сүлһү, ики дөвләтин стратежи тәрәфдашлығыны истәмәјән гүввәләрин әлинә фүрсәт верән тәхрибатдыр. “Шүбһә етмирик ки, бу Ҝүрҹүстанын рәсми мөвгејиндән даһа чох Ҝүрҹүстаны гарышдырмаг нијјәтиндә олан тәхрибатчы гүввәләрин ишидир. Биз бу ҹүр өзбашналығы “Фахралы мәсҹиди” тәхрибатында, мүсәлман кәндләринин ҝириш вә чыхышында (хүсусилә Болниси рајону әразисиндә) инсанлара психоложи тәсир васитәси олан дәмир хачларын гурашдырылмасында, сон вахтлар Ҝүрҹүстан Рејестр идарәсиндә Марнеулидә түрк-кәнд адларынын дәјишдирилмиш формада хәритәјә салынмасында ајдын мүшаһидә етмиш вә бу гәнаәтә ҝәлмишик ки, бунлар вә јени олај Азәрбајҹана гаршы мәгсәдјөнлү шәкилдә ваһид мәркәздән идарә олунан тәхрибатдыр.
“Борчалы” Ҹәмијјәти ИҺ вә онун минләрлә үзв вә тәрәфдашлары Ҝүрҹүстанын мүвафиг рәсми дөвләт вә дини гурумларындан бу мәсәләјә кәскин мүнасибәт билдирмәјә, “дини ислаһатлар”ады алтында Азәрбајҹан дини гурумларына в ә рәсми дөвләтинә сајғысызлыг кими дәјәрләндириләҹәк гәрарын ләғв олунмасына чағрырыг, әкс һалда бу динләр арасы толерантлыға ҹидди зәрбә вурмагла бөлҝәдә стабиллијин позулмасына гәдәр арзуолунмаз сонлуг вәд едир. Бу исә Ермәнистан истисна олмагла һеч бир Гафгаз дөвләтинин марағына ујғун дејилдир.
“Борчалы” Ҹәмијјәти бу һадисәни ејни заманда Гафгаз Мүсәлманлары Руһани Идарәсинин дини сијасәти јүрүтмәкдә бурахдығы сәһвләрин аҹы сонлуғу кими дәјәрләндирир вә шејх Һаҹы Аллаһшүкүр Пашазадә ҹәнабларындан изаһат истәмәклә, онун бирбаша мәсулијјәт дашыдығыны вурғуламағы да өзүнүн борҹу һесаб едир.”
Гејд едәк ки, мајын 16-да Бакыда Гафгазын Али Дини Шурасынын һесабат иҹласы кечириләҹәк. Бу барәдә Гафгаз Мүсәлманлары Идарәсинин (ГМИ) мәтбуат хидмәти билдирир. Иҹласда ГМИ-нин Ҝүрҹүстанда вә Дағыстандакы сәлаһијјәтли нүмајәндәләри, һәмчинин һәмчинин Шимали Гафгаз республикаларынын мүфтиләри иштирак едәҹәкләр. Иҹлас иштиракчылары Гафгазда дини вәзијјәтә аид олан мәсәләләри мүзакирә едәҹәкләр.
1992-ҹи илдә јарадылмыш Гафгаз Халгларынын Дини Шурасынын рәһбәри ГМИ сәдри Аллаһшүкүр Пашазадәдир.
Диггәт: Хәбәрдән истифадә етдикдә мәнбәјә истинад лазымдыр
