Әһли Бејт -АБНА- хәбәр аҝентлијинин вердији хәбәрә әсасән: Өлкәдә бир нечә мүддәтдир ки башлајан һиҹаб јасағы илә әлагәдар һадисәләр сәнҝимәк билмир. Алты ај бундан әввәл орта мәктәб шаҝирдләри һиҹабла мәктәбә бурахылмады, Ҝәнҹәнин јени иҹра башчысы исә һиҹаблы мүәллимәләри ишдән узаглашдырды. Һазырда 1500-ә јахын орта мәктәб шаҝирди тәһсил һүгугундан мәһрум олуб. 10-а јахын руһани һиҹаб гадағасына етираз етдикләринә ҝөрә, һәбсә алыныблар. Чохлу сајда бәјанатларын вә мүраҹиәтләрин сәсләнмәсинә бахмајараг, бу мәсәлә һәлә дә һәллини тапмајыб. Өлкә иҹтимаијјәти проблемин һәллини ҝөзләдији бир әрәфәдә, баш верән јени һадисәләр там олараг бүтүн ҝөзләнтиләри алт-үст едир.
Бу дәфә дә шикајәт Нахчывандан дахил олуб. ФактХебер.ҹом-ун "Гајнар хәтт"инә мүраҹиәт едән вә адынын чәкилмәсини истәмәјән шәхс, Нахчыван һәрби корпусуна аид һәрби һиссәдә ики нәфәр забитин һәјат јолдашлары һиҹаблы олдугларына ҝөрә, хәбәрдарлыг алдыгларыны билдирди. Полковник-лејтенант вә капитан рүтбәли ики забит гаршысында шәрт гојулуб: Ја јолдашларыныз һиҹабларыны ачмалыдыр, ја да ки, вәзифәниздән истефа верин. Артыг забитләр галдыглары һәрби шәһәрҹикдән мәҹбури формада чыхардылыб вә ев әшјалары чөлә атылыб. Бу ҝөстәришин Нахчыванын һәрби корпус ҝенералы тәрәфиндән верилдији билдирилир.
Мөвзуну диггәтдә сахлајаҹағыг.
Диггәт: Хәбәрдән истифадә етдикдә мәнбәјә истинад лазымдыр
