Әһли Бејт -АБНА- хәбәр аҝентлијинин вердији хәбәрә әсасән: Мајын 2-дә Гәтәрә сәфәр едән Иран хариҹи ишләр назири Әли Әкбәр Салеһи журналистләрә ачыгламасында дејиб: “Бәһрејндәки индики дурум давам етсә, бу бүтүн бөлҝә үчүн хошаҝәлмәз нәтиҹәләрә ҝәтириб чыхараҹаг. Буну исә һеч кәс арзуламыр. Бәһрејн проблеми јалныз Бәһрејн халгына аид мәсәләдир. Елә буна ҝөрә дә бу өлкәјә гошун јеридилмәмәли, она һүҹум едилмәмәлијди. Бәһрејндә апарылан әмәлијјатлара јол верилмәмәлијди”.
Феврал ајында Бәһрејн Краллығында һөкумәтә гаршы аксијалар кечирилиб. Мартын 15-дә Бәһрејндә үч ај мүддәтинә фөвгәладә вәзијјәт елан едилиб. Фөвгәладә вәзијјәт режимини јерли һүгуг мүһафизә гүввәләри вә мартын 14-дә Сәудијјә Әрәбистанындан, Бирләшмиш Әрәб Әмирликләриндән ҝәтирилән һәрбчиләр вә полис әмәкдашлары ҝерчәкләшдирмәјә башлајыб. Бундан сонра Иран тәрәфи Сәудијјә Әрәбистанынын Бәһрејнә һәрби гүввә ҝөндәрмәсини писләјиб. Һазырда бу мәсәләјә ҝөрә әрәб өлкәләри илә Иран арасында дипломатик ҝәрҝинлик һөкм сүрүр, бу өлкәләрин рәсмиләринин дилиндән гаршылыглы һәдәләр ешидилир.
Апрелин 25-дә Бәһрејн һакимијјәти Иран сәфирлијинин икинҹи катиби Һүҹҹәтуллаһ Рәһманини “арзуолунмаз шәхс” елан едиб. Икинҹи катиб Иранын Күвејтдәки ҹасус шәбәкәси илә әлагәдә ҝүнаһландырылыб вә ондан үч ҝүн әрзиндә Бәһрејндән чыхмаг тәләб олунуб. Һәмин ҝүн Иранын Хариҹи Ишләр Назирлијинин сөзчүсү Рамин Меһманпәрәст иттиһамы тәкзиб едиб вә Бәһрејни ҹаваб тәдбирләри ҝөрүләҹәји илә һәдәләјиб.
Диггәт: Хәбәрдән истифадә етдикдә мәнбәјә истинад лазымдыр
