Әһли Бејт -АБНА- хәбәр аҝентлијинин вердији хәбәрә әсасән: Ислам Ингилабынын Бөјүк Рәһбәри Хамнеи бујуруб: Реҝионда ҹәрәјан едән ислами ојаныш далғасы гәтијјәтлә нәтиҹә верәҹәк.
Һәзрәт Ајәтуллаһ әл-Үзма Имам Хаменеи кечән ҝүн Иранын Фарс вилајәтиндә минләрлә инсанын о һәзрәтлә ҝөрүшүндә чох мүһүм сөзләрдә Ислами Ојаныша ҝөрә дүнја вә реҝионун һазыркы һәссас вәзијјәтини шәрһ едәрәк Иран халгы вә мәсул шәхсләрә өз вәһдәт вә мөһкәмликләрини горумағы һабелә, Ислами Гурулуш дүшмәнләринин әлинә бәһанә вермәмәји төвсијә едәрәк, дејиб: " Һазырда Ирандакы үчлүк һакимијјәт органлары хүсусилә һөкумәт инсафла бахсаг һәгигәтән хидмәт вә сәј ҝөстәрмәклә мәшғулдур вә Иран халгы вә Рәһбәрлик даим өлкәдә иш вә хидмәт хәттини һимајә едәҹәкләр.
Ислам Ингилабынын Бөјүк Рәһбәри реҝионда ҹәрәјан едән һадисәләр гаршысында Америка, Авропа вә сионистләрин чашбаш галмасына ишарә едәрәк белә хатырладыб: " Һеҝемон гүдрәтләрин бүтүн сәјләри бу мәсәләјә јөнәлибдир ки, реҝионда ҹәрәјан едән һадисәләрә һаким олсунлар. Амма, бу Ислами Ојаныш битән мәсәлә дејил вә бу өнә доғру һәрәкәтин ҝеријә дөнүшү олмајаҹаг".
Ислам Ингилабынын Бөјүк Рәһбәри сонра әлавә едиб: " Бу һәрәкәтин сону вә ҝәләҹәји реҝион халгларынын хејринә олаҹаг. Амма, онлар там шәкилдә ајыг вә муғајат олмалыдырлар, чүнки дүшмән бу һәрәкәти јајындырмаг үчүн пусгуда отуруб".
Һәзрәт Ајәтуллаһ әл-Үзма Имам Хаменеи Бәһрејн, Јәмән вә Ливија халгларына гаршы ашкар зүлмә ишарә едәрәк белә вурғулајыб: "Реҝионда, хүсусилә бу үч өлкәдә баш верән һазыркы һадисәләрин тәһлили ҝөстәрир ки, Гәрб өлкәләри халглара зүлм едибләр вә онлара ҝөз јумулмајаҹаг".
Ислам Ингилабынын Бөјүк Рәһбәри Америка вә Гәрбин реҝион халгларына гаршы зүлмләринин әсас сәбәбинин, сахта Исраил режими олдуғуну билдирәрәк, гејд едиб: " Реҝионда ҹәрәјан едән һазыркы һадисәләрдә ән чох зүлм Бәһрејн халгына едилиб".
Бөјүк Рәһбәр Иранын реҝионун мәсәләләринә мүдахиләси иддиасына ишарә едиб, бу мәсәләнин әсассыз олдуғуну билдирәрәк, белә әлавә едиб: " Иран Ислам Республикасы өзүнүн ачыг мөвгејини билдирмәкдән әлавә Бәһрејн, Јәмән вә Ливијада һансы мүдахиләләри едибдир?"
Ислам Ингилабынын Бөјүк Рәһбәри сонра сөјләјиб: " Бәһрејн халгынын етиразлары доғру вә һаглыдыр вә әҝәр Бәһрејн халгынын вәзијјәти, онларын һөкумәт нөвү вә бу өлкә һөкмдарларынын һөкумәтдән истифадә методу ачыг фикрә малик олан бир шәхсә билдириләрсә, мүтләг Бәһрејн һөкумәтинин рәфтары писләниләҹәкдир".
Диггәт: Хәбәрдән истифадә етдикдә мәнбәјә истинад лазымдыр
