Әһли Бејт -АБНА- хәбәр аҝентлијинин вердији хәбәрә әсасән: АИП мәтбуат хидмәтиндәм верилән мәлумата ҝөрә, бу ҝүн (22 апрел) Азәрбајҹан Ислам Партијасынын (АИП) Мәтбуат Хидмәти, Бакы Шәһәр Иҹра Һакимијјәтинин (БШИҺ), партијанын митинглә бағлы мүраҹиәтинә вердији ҹавабла әлагәдар бәјанат јајмышдыр.
Бәјанатда билдирилир:
"Партијанын БШИҺ-ә митинглә бағлы 11.04.2011-ҹи ил тарихли мүраҹиәтинә БШИҺ јенә ҝүлүнҹ аргументләрлә “јох” ҹавабыны вермишдир. Белә ки, АИП мүраҹиәтдә апрелин 24-ә тәјин олунмуш митингә он мин нәфәр тәрәфдарынын чыхаҹағыны билдирмиш, БШИҺ исә “мүраҹиәтдә ҝөстәрдијиниз кими 10 мин нәфәрин иштиракы илә кечирилмәсини планлашдырдығыныз митингә рәһбәрлик етмәјиниз чәтинлик јарада биләр” – ҹавабыны верәрәк, тәдбирин кечирилмәсини мәгсәдәујғун һесаб етмәмишдир.
Гејд едәк ки, биз “Гарабаға азадлыг”, “Ислама тәзјигләрә сон” вә “ҝүнаһсыз мәһбуслара азадлыг” шүарлары алтында күтләви тәдбир кечирмәји гәрара алмышдыг вә бунун мәсулијјәтини там дәрк едәрәк, һәр һансы хошаҝәлмәз һадисәнин баш вермәјәҹәјинә зәманәт верирдик. Тәәссүфләр ки, инсанларын бизә олан етимадына шүбһә илә бахан БШИҺ-и күтләви аксијанын кечирилмәсинә иҹазә вермәди. Биз исә һесаб едирик ки, митингин разылашдырылмыш гајдада кечирилмәси бүтүн һалларда ән дүзҝүн аддымдыр.
Тәбии ки, БШИҺ-нин мәнтигсиз ҹавабы, тәрәфдашларымызын һиддәтинә сәбәб олмуш вә чохсајлы исрарлы мүраҹиәтләр бизи мүвафиг аддымлар атмаға мәҹбур едир."
Гејд едәк ки, нөвбәти аддымлар реҝионлардан ҝәлән чохсајлы мүраҹиәтләрдән асылы олараг, партијанын Али Мәҹлисинин хүсуси топлантысында гәбул олунаҹаг гәрара әсасән атылаҹаг.
Диггәт: Хәбәрдән истифадә етдикдә мәнбәјә истинад лазымдыр
