Әһли Бејт -АБНА- хәбәр аҝентлијинин вердији хәбәрә әсасән: Русијанын бејнәлхалг нәшри олан «Московские новости» гәзетиндә әрәб ингилаблары вә бу ингилабларын сирајәт едә биләҹәји үнванларла бағлы ҝенеиш аналитик материал дәрҹ едилиб – јазыр Пиа.
Мәгаләдә дејилир: «Әрәб күчәләриндә баш верәнләрин тәсири илә силкәләнә биләҹәк өлкәләр бунлардыр: Азәрбајҹан, Газахыстан, Таҹикистан, Гырғызыстан, Түркмәнистан вә Өзбәкистан».
Мәгалә мүәллифи олан Русијанын танынмыш сијаси аналитики Аркадиј Дубнов билдирир ки, һәр кәс бу ҝүн «әрәб күчәсиндәки дәстҝаһын» давамынын олаҹағыны вә һарада олаҹағыны мараг етмәкдәдир: «Давамы мүтләг олаҹаг. Вә бу әснада илк јердә ҝәләни Азәрбајҹан вә Орта Асија өлкәләридир. Чүнки һәмин өлкәләрдә һаким олан Ән јахшы һалда авторитар, әслиндә исә тоталитар режимләр узун илләр әрзиндә өз халгларына коррупсија вә мәмур өзбашыналығы һесабына јалныз аҹлыг, көләлик, проблемләр вә бәдбәхтликләр бәхш едибләр».
«Әҝәр Ливија һадисәләринә гәдәр мисир-тунис олајларынын Азәрбајҹан вә Орта Асија өлкәләриндә тәкрарланма еһтималларынын фаиз дәрәҹәләриндән данышылырдыса, индии бу өлкәләрин һакимијјәтләри даһа тәһлүкәли агибәтләр барәдә дүшүнмәлидирләр» дејән мәгалә мүәллифи иддиа едир ки, Ливија олајларына БМТ-нин Тәһлүкәсизлик Шурасынын мүдахиләси бундан сонракы һәдәф өлкәләрдәки просесләрә дә ејни тәсир рычагларындан истифадәни мүмкүн едир. Јәни артыг јени бир әнәнә формалашыб: «Зәиф дүшүрүлмүш мүхалифәтә һәрби дәстәк».
Мәгалә мүәллифи иддиа едир ки, Азәрбајҹан диҝәр кечмиш совет-мүсәлман өлкәләри илә мүгајисәдә ингилаба даһа ачыг өлкәдир: «Исламчылар бу өлкәдә даһа фәалдырлар вә онларын бир чағырышы илә күчәләрә јүз минләр ахыша биләр».
«Мүшаһидәләр дә тәсдигләјир ки, Азәрбајҹанда әсас сосиал сифариш јерли һакимијјәтин тәгдим етдији иедолоҝијаја алтернативин тәклиф олунмасындадыр» дејән мүәллифин сөзләринә ҝөрә, бу бахымдан сијаси мүхалифәтлә мүгајисәдә исламчылар даһа шанслыдырлар: «Чүнки ортаја конкрет идеолоҝија гојурлар - Ислам идеолоҝијасы».
Диггәт: Хәбәрдән истифадә етдикдә мәнбәјә истинад лазымдыр
