Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасынын сәдри Мөвсүм Сәмәдовун тәшкилати мәсәләләр үзрә мүавини Вагиф Абдуллајевин дә мәһкәмәси олуб. Дүнән Нәсими рајон мәһкәмәсиндә һаким Хумар Мәрданованын сәдрлији илә кечән просесдә, АИП сәдринин мүавини Вагиф Абдуллајевин дә һәбс мүддәти узадылыб. Мәһкәмә Вагиф Абдуллајевин дә һәбс мүддәтини август ајынын 8-ә гәдәр артырыб.
Гејд едәк ки, јанварын 18-дә АИП сәдринин мүавини Вагиф Абдуллајев барәсиндә дә һәбс гәтимкан тәдбири сечилиб. О, 28, 214.2.1-ҹи (габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (ҹинајәткар тәшкилат) тәрәфиндән ҹинајәтә һазырлыг), 228.3-ҹү (ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә), 278-ҹи (һакимијјәти зорла әлә кечирмә вә ја ону зорла сахлама) маддәләр үзрә иттиһам олунур.
Диггәт: Хәбәрдән истифадә етдикдә мәнбәјә истинад лазымдыр
