Әһли Бејт -АБНА- хәбәр аҝентлијинин вердији хәбәрә әсасән: Бакыда Азәрбајҹан-АБШ икитәрәфли планлашдырма үзрә әмәкдашлыг конфрансы кечириләҹәк. Бу барәдә Азәрбајҹан Мүдафиә Назирлијинин мәтбуат хидмәтиндән мәлумат верилиб.
Апрелин 27-дә башлајаҹаг вә ики ҝүн давам едәҹәк конфрансда өлкәләр арасында нөвбәти ил үчүн планлашдырылан һәрби әмәкдашлыг мөвзулары мүзакирә олунаҹаг.
Конфранс Азәрбајҹан вә АБШ арасында имзаланмыш Һәрби әмәкдашлыг үзрә Иш Планы чәрчивәсиндә реаллашаҹаг.
Иллик әмәкдашлыг програмынын мүзакирәсинә һәср едиләҹәк конфрансда Азәрбајҹан вә АБШ-дан мүхтәлиф һәрби гурумларын нүмајәндәләри вә експертләри иштирак едәҹәк. АБШ нүмајәндә һејәтини, әсасән Авропа Команданлығынын (ЕУҸОМ) забитләри тәмсил едәҹәк.
Конфрансда Азәрбајҹан вә ЕУҸОМ арасында нөвбәти ил үчүн һәрби әмәкдашлыг үзрә Иш Планынын мәтни разылашдырылаҹаг.
Диггәт: Хәбәрдән истифадә етдикдә мәнбәјә истинад лазымдыр
