Әһли Бејт -АБНА- хәбәр аҝентлијинин вердији хәбәрә әсасән: Артыг Апеллјасија мәһкәмәси Ариф Һаҹылынын вә Турал Аббаслынын шикајәтинә бахыб вә онларын шикајәти гејри-гануни олараг рәдд едилиб. Һәбс олунанлара Ҹинајәт Мәҹәлләсинин 315.1 маддәси илә ујдурма иттиһам ирәли сүрүлүб. Әһәд Мәммәдли һаггында һәм дә 233-ҹү маддә илә иттиһам галдырылыб. Елшән Һәсәнов һаггында исә 288-ҹи маддә илә ҹинајәт иши башланылыб.
Мүсават Партијасы бу иттиһамларын һамысыны гејри-гануни вә јухарыдан верилән сијаси сифаришин нәтиҹәси һесаб едир. Әслиндә митинг ҝүнү мағаза вә диҝәр иҹтимаи објектләрин шүшәләри һакимијјәт тәрәфиндән өјрәдилмиш тәхрибатчы шәхсләр тәрәфиндән сындырылыб. Бу шәхсләрин бәзиләринин шәкилләри интернетдә јајылса да, истинтаг онларын кимлијини һәлә дә мүәјјәнләшдирмәјиб.
Мүсават Партијасы мүхалифәт рәһбәрләри вә фәаллары барәсиндә галдырылмыш бу сахта ҹинајәт ишинин әһалинин артан сијаси фәаллығынын репрессив методларла боғулмасына јөнәлән аддым кими гијмәтләндирир вә дәрһал һәмин ишәләрә хитам верилмәсини вә һәбс олунанларын азадлыға бурахылмасыны, митинг заманы аксија иштиракчыларына зор тәтбиг едән вә онлара ҝөстәриш верән шәхсләрин ҹәзаландырылмасыны тәләб едир.
Диггәт: Хәбәрдән истифадә етдикдә мәнбәјә истинад лазымдыр.
