Әһли Бејт -АБНА- хәбәр аҝентлијинин вердији хәбәрә әсасән: Сәфир гејд едиб ки, Теһран вә Шираз шәһәрләриндә бөјүк бајрам тәдбирләри кечириләҹәк. Үч һәфтә өнҹә президент Илһам Әлијевин бу тәдбирә дәвәт олундуғуну сөјләјән дипломатын сөзләринә ҝөрә, кечән һәфтә Иранда сәфәрдә олан Азәрбајҹан хариҹи ишләр назири Елмар Мәммәдјарову гәбул едән президент Маһмуд Әһмәдинежад Илһам Әлијеви бу тәдбирдә ҝөзләдијини сөјләјиб.
Кечән һәфтә Теһранда кечирилән Иран-Азәрбајҹан һөкумәтләрарасы комиссијасынын ишинин нәтиҹәләриндән данышан М. Бәһрами һәр ики тәрәфдән хејли тәклифләр ирәли сүрүлдүјүнү, бу тәклифләр үзәриндә експертләр тәрәфиндән иш апарылдыгдан сонра нәтиҹәләрин хариҹи ишләр назирләринә тәгдим олунаҹағыны ачыглајыб.
Сәфир хәбәр вериб ки, Иран Ислам Республикасынын Гырмызы Ајпара Ҹәмијјәтинә Бакыда клиника тикмәјә иҹазә верилиб: “Һазырда бу клиниканын һарада вә неҹә инша олунмасы илә бағлы техники ишләр апарылыр”. Дипломат дејиб ки, һәмин клиникада Азәрбајҹан әһалиси үчүн јүксәк сәвијјәли тибби хидмәт ҝөстәриләҹәк.
Диггәт: Хәбәрдән истифадә етдикдә мәнбәјә истинад лазымдыр
