Әһли Бејт -АБНА- хәбәр аҝентлијинин вердији хәбәрә әсасән:Тунисдә баш верән халг үсјанындан сонра нөвбә Мисирә чатды. Мисирдә дә нечә илләрдир диктаторлууг едән Һүснү Мүбарәк режими деврилди. Артыг үсјан далғасы сунами далғасына чеврилиб. Һал-һазырда да Орта Шәргдә јерләшән өлкәләрдә етираз далғалары давам едир.
Бәһрејндә ики һәфтә бундан габаг башлајан халг етиразлары ҹәмијјәти ики јерә бөлүб. Пајтахтын бир мејданы мүхалифәт тәрәфдарларынын, бир мејданы исә игтидар тәрәфдарлары илә долуб. Ҝеҹә-ҝүндүз халг нүмајишчиләри өз етиразларыны билдирмәк үчүн күчәләрә ахышыб "халг бу режими истәмир" шүарлары сәсләндирибләр.
Мүхалифәтчиләрин етиразларынын ара вермәдән давам етмәси, игтидар нүмајәндәләрининдә күчәләрә ахышмасына сәбәб олуб. Мејданлара төкүлүшән игтидар тәрәфдарлар әлләриндә Кралын шәкилләринә тутараг Крал аиләсини дәстәкләдикләрини билдирибләр.
Игтидар нүмајишчиләринин әллләриндә Сәудијјә Әрәбистанынын бајрагларынын олмасы дүнја иҹтимаијјәти тәрәфиндән тәәҹҹүблә гаршыланыб. Гејд едәк ки, бир нечә ҝүн бундан әввәл дүнја мәтбуатында Сәудијјә һөкүмәтинин Бәһрејнә етиразчыларын гаршысыны алмаг үчүн 30 танк ҝөндәрмәси һаггында мәлумат јајылмышды. Јајылан мәлумата бахмајараг, Сәудијјә һөкүмәт буну тәкзиб етмишди.
Мүхалифәт нүмајәндәләри ҝөрүшмәјә һазыр олдугларыны билдирибләр. Шиә мүхалифәт лидери олан Әбдүл Ҹәлил Хәлил игтидарла ҝөрүшләр кечирмәјә һазыр олдугларыны гејд едиб. Әддүл Ҹәлил Хәлил ики һәфтәдир давам едән нүмајишләрдән сонра игтидарла данышыглар апармаға разы олдугларыны билдирәрәк, диалог үчүн чәрчивә тәгдим едәҹәкләрини вурғулајыб.
Хатырладаг ки, АБШ-ын 5-ҹи һәрби орду коалисијасы Бәһрејндә јерләшир. Експертләрә ҝөрә, Бәһрејнин һазырки, режими өзүнү горумаг мәгсәди илә халг арасында икитирәлик вә сүнни-шиә гаршыдурмасы јаратмаг истәјир.
Диггәт: Хәбәрдән истифадә етдикдә мәнбәјә истинад лазымдыр
