Әһли Бејт -АБНА- хәбәр аҝентлијинин вердији хәбәрә әсасән: АБШ-ын Азәрбајҹандакы сәфрилији гаршысында етираз акаисјасы кечирилиб. Дүнән саат 15:00 радәләриндә Милли Мүбаризә Бирлији ҝәнҹләр тәшкилатынын бир груп үзвү Американын өлкәмиздәки сәфирлијинин гаршысында нүмајиш кечириб. Верилән мәлумата ҝөрә, полис аксија иштиракчыларынын сәфирлијә доғру һәрәкәт етмәсинә мане олуб вә аксијанын кечирилмәси баш тутмајыб.
Аксија иштиракчыларынын АНС-ә вердији мәлумата ҝөрә, нүмајишин кечирилмәсиндә мәгсәд 1992-ҹи илдә Бирләшмиш Штатлар Конгресиндә Азәрбајҹана гаршы гәбул олунан 907-ҹи маддәни ләғвинин тәләб едилмәси олуб. Аксија иштиракчылары полис васитәсилә гәтнамәләрини сәфирлијә тәгдим едә билибләр.
Гәтнамәдә дејилир:
1. Гарабағ вә ишғал алтында олан диҝәр Азәрбајҹан торплагларындан Ермәнистанын һәрбиләшдирилмиш террорчу дәстәләри гејд-шәртсиз чыхмалыдыр.
2. АБШ парламенти тәрәфиндән Азәрбајҹан дөвләтинә гаршы јөнәлмиш 907-ҹи дүзәлиш ләғв едиллмәлидир.
3. Хоҹалы сојгырымы АБШ конгресиндә мүзакирәјә чыхарылмасыны хаһиш едирик.
Аксија иштиракчылары әлләриндә Хоҹалыда гәтлә јетирилән азәрбајҹанлыларын шәкилләрини вә үстүндә "907-ни ләғв ет", "Хоҹалы сојгырымыны таны", "Азәрбајҹан террорчу дејил" шүарлары јазылмыш плакатлар тутублар.
Гејд едәк ки, бу мәлумат Азәрбајҹан мәтбуатында ишыгландырылмајыб.
Диггәт: Хәбәрдән истифадә етдикдә мәнбәјә истинад лазымдыр
