Әһли Бејт -АБНА- хәбәр аҝентлијинин вердији хәбәрә әсасән: Аксијада илкин олараг чыхыш едән кәнд ағсаггалы Натиг Кәримов, кечирдикләри етираз аксијасынын сәбәбинин јалныз сосиал проблемләри илә әлагәдар олдуғуну сөјләди. Артыг нечә ајдыр газсызлыгдан әзијјәт чәкдикләрини дејән кәнд ағсаггалы, һакимијјәт структурларындан проблемләринин тезликлә һәлл едилмәсини тәләб едиб.
Бундан сонра чыхыш едән кәнд ағсаггалларындан Һаҹыаға Нуријев тезликлә проблемләринин һәлл едилмәсини истәдикләрини билдириб. Һаҹыаға Нуријев бу проблемләрә ҝөрә мәсулијјәти мәмурларын дашыдығыны сөјләјиб.
Сонра чыхш едән Нардаран кәнд мәсҹидинин ахунду Сејјид Муса Рза, газсызлыгдан һәддән артыг әзијјәт чәкдикләрини билдирәрәк, тезликлә бу проблемин һәлл едилмәсини тәләб едиб.
Сонда аксијачылар проблемин һәлл едилмәмәси мүгабилиндә бундан сонра даһа да ҝениш формада аксијалар кечирәҹәкләрини билдирибләр.
Диггәт: Хәбәрдән истифадә етдикдә мәнбәјә истинад лазымдыр
