Әһли Бејт -АБНА- хәбәр аҝентлијинин вердији хәбәрә әсасән: Иран ислам ингилабынын илдөнүмү мүнасибәтилә пајтахт Теһранда кечирилән күтләви тәдбирдә чыхыш едән президент Маһмуд Әһмәдинежад һијләҝәр Гәрб өлкәләринә мүраҹиәт едәрәк дејиб: Бу өлкәләр һијләҝәр сијасәтдән имтина етмәлидир: “Иран Сәфәвиләр дөврүндә ҹанланыб вә әсаслы инкишаф едиб. Онларын мираслары инди дә Иранда горунур вә онларла фәхр едирик. Лакин истисмарчы өлкәләр 150 ил Иранын әввәлки ләјагәтсиз рәһбәрләри илә әлбир олараг бүтүн шәһәр вә кәндләри, әкинчилик, мәдәнијјәт, тиҹарәт, елм вә гуруҹулуғу бәрбад едибләр. Лакин Сәфәвиләрдән сонра Иран јалныз сон 32 илдә - Иран ислам ингилабындан сонра саја ҝәлмәјән наилијјәтләр әлдә едиб. Иран халгынын уғурларыны өз истәкләринә гурбан верән, ислам ингилабында һеч һаггы олмајан, лакин бу ҝүн сон нәфәсләрини чәкәрәк Иран халгынын мүбаризәсини өз адларына чыхмаг истәјәнләрә фүрсәт вермәмәлијик.
О билдириб ки, Иран халгы бүтүн милләтләрә гаршы пак нијјәтли вә әдаләтлидир: “Иран бу ҝүн бүтүн дүнја халгларына үчүн нүмунә олмалыдыр. Биз игтисади, мәдәни, технолоҝија, нүвә вә космос саһәләриндә инкишаф едән өлкәләр сырасындајыг вә лазымы аваданлыглары өзүмүз истеһсал едирик. Иран ән јахын илләр әрзиндә өз истеһсалы олан ракетлә космоса инсан ҝөндәрәҹәк. Иран халгы Ислам ингилабынын сајәсиндә гоншу өлкәләр илә дост гардаш мүнасибәтиндәдир. Милләтчилик, иргчилик бахымындан ајры-сечкилик јохдур”.
Иран халгы вә дөвләти онун дүшмәнләри илә һеч вахт бир араја ҝәлмәјәҹәк. Сүлһ мәгсәдли нүвә мәсәләсиндә, енерҝетиканын вә нанотехнолоҝијанын истеһсалыны һеч кимлә мүзакирә етмәјәҹәк. Хејир ишдә мүзакирәјә еһтијаҹ јохдур”.
Әһмәдинежад дејиб: “Дүнјанын бүтүн зүлмкарлары өз шејтани ҝүҹләрини сәфәрбәр етдиләр ки, дүнја халгларынын азадлығы уғрунда габагҹыл рол ојнајан Иран нүвә дөвләтинә чеврилә билмәсин. Анҹаг онлар буна наил ола билмәдиләр. Мән онлара дејирәм ки, бу јолу давам етдирсәниз, габагҹадан өзүнүзү мәғлуб һесаб един”.
Тунис вә Мисирдәки олајлара тохунан Әһмәдинежад әрәб халгларына, о сырадан да Мисир ҝәнҹләринә сәсләниб: “Ајыг-сајыг олун. Азад олмаг вә өз һакимијјәтинизи гурмаг сизин һаггыныздыр. Сизин һаггыныз вар ки, өлкәнизин вә дүнјанын проблемләри барәдә азад шәкилдә фикринизи ифадә едәсиниз. Һакимијјәтин нөвүнү вә һакимијјәтдәкиләри сечмәк дә сизин һүгугларыныздан сајылыр. Әдаләт тәләб един вә онун ҝерчәкләшмәси уғрунда мүбаризә апарын”.
Әһмәдинежад дүнјанын һеҝемон дөвләтләрини кәскин тәнгид едиб: “Мән сизи әмин едирәм ки, мүрәккәб вә шејтани програмыныза, сијасәтинизә бахмајараг Аллаһын көмәклији, халгларын исә мүгавимәти сајәсиндә тезликлә Америкасыз вә сионист режимсиз јени бир Орта Шәрг ҝерчәкләшәҹәк. Јаранан бу јени Орта Шәргдә исә сизә јер олмајаҹаг”.
Диггәт: Хәбәрдән истифадә етдикдә мәбәјә истинад лазымдыр
