Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Мүдафиә Сәнајеси Назирлији (МСН) јахын вахтларда 30 әдәд «Матадор» вә «Мараудер» типли минаја гаршы горумалы нәглијјат васитәсини (МРАП) Силаһлы Гүввәләрә тәһвил верәҹәк.
Ҹәнуби Африка Республикасынын «Парамоунт Ҝроуп» ширкәтинин лисензијасы әсасында МСН-ин мүәссисәси илә бирҝә Бакыда гејд олунан сајда һәрби нәглијјат васитәси јығылараг истисмара һазыр вәзијјәтә ҝәтирилиб. Һазырда техникаларын үзәринә силаһларын гурулмасы вә диҝәр кичик һәҹмли ишләр јеринә јетирилир.
Әсасән 14,5 вә 12,7 чаплы пулемјотларла тәҹһиз олунаҹаг нәглијјат васитәләри «В» формалы шассијә маликдир. Онлар танк әлејһинә миналарын партламасы һалында белә шәхси һејәти гәлпәләрдән вә партлајышын тәсирләриндән мүһафизә едир.
Гејд едәк ки, «Матадор» 14 (12+2), «Мараудер» исә 10 (8+2) персонал дашыја билир. Техникаларын партлајыша таб ҝәтирмә имканлары исә мүвафиг олараг 21 кг ТНТ вә 14 кг ТНТ-дир. Балистик мүдафиә системинә малик олан бу дөјүш машынлары шәхси һејәти 7,62 мм чаплы ҝүлләләрдән горуја билир. «Матадор» СТАНАҜ 4569 Левел 4а вә СТАНАҜ 4569 Левел 4б, «Мараудер» исә СТАНАҜ 4569 Левел 3а вә СТАНАҜ 4569 Левел 3б стандартларына ујғундур.
Диггәт: Хәбәрдән истифадә етдикдә мәбәјә истинад лазымдыр
