Әһли Бејт -АБНА- хәбәр аҝентлијинин вердији хәбәрә әсасән: Дгнән Нәсими Рајон Мәһкәмәсиндә Азәрбајҹан Ислам Партијасы сәдринин мүавини Вагиф Абдуллајевин һәбс гәтимкан тәдбиринин ев дустаглығы илә әвәз едилмәси вәсатәтинә бахылыб. Мәһкәмә просеси саат 10:30 радәләриндә башлајыб. Вагиф Абдуллајевин вәкили Немәт Һејдәров Фактхебер.ҹом-а билдирди ки, мәним галдырдығым вәсатәт тәмин олунмады. Һаким Икрам Исрафилов Вагиф Абдуллајев барәсиндә 3 ајлыг һәбс гәтимкан тәдбиринин сечилмәси гәрарыны гүввәдә сахлады. Вәкил һәмчинин билдирди ки, мәһкәмәнин вердији бу гәрардан сонра апеллјасија шикајәти верәҹәјәм.
Бундан әлавә Азәрбајҹан Ислам Партиијасынын Астара рајон комитәсинин сәдри Руфулла Ахунзадәнин дә мәһкәмә просеси кечирилиб. Бу ҝүн кечирилән мәһкәмә просесиндә Нәсими Рајон Мәһкәмәси Руфулла Ахундзадәнин һәбсинин ев дустаглығы илә әвәзләнмәси вәсатәтини гәбул етмәјиб. Ишә һаким Шәлалә Һәсәнова бахыб. Руфулла Ахундзадәнин вәкили Садиг Бағыров ФактХебер.ҹом-а билдириб ки, Руфулла Ахундзадәнин сәһәтиндә проблемләри вар. Руфулла Ахундзадә һәбс олунмамышдан әввәл простат вәзиндә вә гара ҹијәриндәки хәстәликлә бағлы мүалиҹә алырды. Һәбс гәтимкан тәдбиринин ев дустаглығына дәјишдирилмәси илә бағлы вәсатәтимиздә онун хәстәлијини әсас ҝөстәрмишдик. Анҹаг буна бахмајараг мәһкәмә бизим вәсатәтимизи рәдд едиб. Вәкил Садиг Бағыров мәһәкәм гәрарындан апеллјасија шикајәти верәҹәјини сөјләјиб.
Вагиф Абдуллајев Ҹинајәт Мәҹәлләсинин 28, 214.2.1-ҹи (габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (ҹинајәткар тәшкилат) тәрәфиндән ҹинајәтә һазырлыг), 28, 214.2.3-ҹү (одлу силаһдан вә силаһ гисминдә истифадә олунан предметләрдән истифадә етмәклә ҹинајәтә һазырлыг), 228.3-ҹү (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә), 278-ҹи (һакимијјәти зорла әлә кечирмә вә ја ону зорла сахлама) маддәләри илә иттиһам олунур. Руфулла Ахундзадәјә дә ејни ҹинајәт маддәләри илә иттиһам ирәли сүрүлүб.
Диггәт: Хәбәрдән истифадә етдикдә мәнбәјә истинад лазымдыр
