Әһли Бејт -АБНА- хәбәр аҝентлијинин вердији хәбәрә әсасән: Түркијәнин Истанбул шәһәриндә ҹүмә намазынын иштиракчылары јанварын 22-дә ҝениш аксија кечирәрәк Азәрбајҹан Республикасында һиҹаб гадағасы һабелә бу өлкәнин Ислам Партијасынын үзвләриндән бир групунун һәбсини писләјибләр.
Султан Әһмәд Мәсҹиди өнүндә етираз аксијасы кечирән инсанлар Азәрбајҹан Республикасында һиҹаб гадағасы әлејһинә шүарлар вериб, рәсми Бакынын бу биабырчы һәрәкәтдән ваз кечмәсини вә АИП сәдри Мөһсүн Сәмәдовун сәрбәст бурахылмасыны истәјибләр.
Аксија иштиракчылары һәмчинин Азәрбајҹан Республикасынын дөвләт гурумлары тәрәфиндән бу өлкәнин мүсәлман халгынын дини етигадларына вә мүгәддәсләринә һөрмәт етмәсини тәләб едибләр.
Онлар сонра бүтүн дүнјада мүсәлманлары һәмрәјлијә вә Ислам дәјәрләрини мүдафиә етмәјә чағырыблар.
Бу мәлумата әсасән Истанбулдакы аксија иштиракчыларынын сөзчүсү Сионист режим, Америка вә Инҝилтәрәни ләнәтләјәрәк, сөзү ҝедән ики өлкә вә Исраил режимини " Шејтан үчбуҹағы " һабелә Ислам дүнјасында фитнә вә нифаг амили адландырараг дејиб:" Мүсәлманларын бу шејтанлара гаршы бирләшмәдији ҝүнә гәдәр, һәр ҝүн Ислам дүнјасынын һәр бир ҝушәсиндә онлар тәрәфиндән һәјата кечирилмиш фитнәкар планларын шаһиди олаҹағыг".
Бу етираз аксијасы полис вә тәһлүкәсизлик гүввәләринин мүдахиләси олмадан һәјата кечирилиб.
Түркијәли мүсәлманлар Азәрбајҹан Республикасынын мәктәбләриндә һиҹаб әлејһинә планлар һазырлајанлара гаршы шүарлар сәсләндирдикдән сонра бу планларын ләғв едилмәсини тәләб едибләр.
Диггәт: Хәбәрдән истифадә етдикдә мәнбәјә истинад лазымдыр
