Әһли Бејт -АБНА- хәбәр аҝентлијинин вердији хәбәрә әсасән: Ислам партијасынын мәтбуат хидмәтинин рәһбәри Акиф Һејдәрли билдирди: “Билдијимиз кими тәһсил назири Мисир Мәрдановун орта мәктәбләрдә тәһсил алан һиҹаблы гызларын мәктәбләрә бурахылмамасы барәдә гәрары олмушдур. Бу мәсәлә нәинки өлкә иҹтимаијјәтини, һәтта бүтүн Ислам аләмини, о ҹүмләдән Түркијә вә Иранда да ҹидди нараһатчылыглара вә етиразлара сәбәб олмушдур. Нәтиҹәдә Ислам дининдә хүсуси мөвгеји олан вә тәклифләринин иҹрасы сәрһәд танымајан бүтүн мүсәлманлар үчүн ваҹиб сајылан мәрҹеји тәглидләр Азәрбајҹандакы һиҹаб гадағасына мүнасибәт билдирәрәк тәклифләр вердиләр. Ајәтуллаһул Мәкарим Ширази ҹәнаблары бу саһәдә һәр ики тәрәфин үзәринә дүшән вәзифәни ајдын шәкилдә билдирди.
Тәәссүфләр олсун ки, Ислам дүшмәнләри бу дәфә дә өлкәмиздә нәшр олунан бәзи мәтбу органларда, хүсусән “Халг Ҹәбһәси” адлы үздән ираг гәзетдә Азәрбајҹан мүсәлманларынын һејсијјатына тохунмаг вәзифәсини мәрәҹијјәти тәһгир етмәклә јеринә јетирдиләр. Ислам дүшмәнләринин нөкәрләри, онларын јерли рәһбәрләри јенә дә инанҹлы халгымызын малик олдуглары бәшәри кејфијјәтләри ајаглар алтына атмагдан чәкинмәдиләр. Өзләрини бу дүнјада тапмајан вә танынмајан бу тип инсанлар ҹәмијјәти чиркаба батырмагдан башга бир нијјәт дашымырлар. Рәсми дөвләт органлары тәрәфиндән һеч бир ҹәзаја ҹәлб олунмајан белә әхлагсызлар сон дәрәҹә һәјасызлашараг ҝөрүндүјү кими, бүтүн мүсәлман аләминин инанҹыны тәһгир етмәкдән белә чәкинмирләр.
Мән демәздим ки, онлар мәрҹеји-тәглидләрин инанҹлы мүсәлманлар үчүн нә гәдәр өнәмли вә һөрмәтли инсанлар олдуғуну билмирләр. Онларын динимизә, онун мүгәддәсләринә гаршы атдыглары чиркинликләр ардыҹыл характер дашымагла, әслиндә мәнфур ағаларынын сифаришләрини јеринә јетириләр.
Гурани-Кәримдә дејилдији кими “Онлар Аллаһын нуруну ағызлары илә үфүрмәклә сөндүрмәк истәјирләр. Кафирләр истәмәсә дә Аллаһ өз нуруну тамамлајҹаг”.
Диггәт:Хәбәрдән истифадә етдикдә мәнбәјә истинад лазымдыр
