Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Дини Гурумларла Иш үзрә Азәрбајҹанын Дөвләт Комитәсиндә (ДГИДК) 2010-ҹу илин јекунларына һәср олунмуш ҝениш коллеҝија иҹласы кечирилиб. Дөвләт Комитәсинин мәтбуат хидмәтиндән верилән мәлумата ҝөрә, иҹласда Һ. Оруҹов дејиб ки, “Дини етигад азадлығы һаггында” гануна едилмиш әлавә вә дәјишикликләрдән сонра дини иҹмаларын јенидән гејдијјата алынмасына башланыб вә бу истигамәтдә ишләр давам етдирилмәкдәдир. Һәмчинин, гануна едилмиш әлавә вә дәјишикликләрә мүвафиг олараг, дини ибадәт јерләринин тикинтисинин вә мөвҹуд дини ибадәт јерләринин јенидән гурулмасынын (бәрпасынын, әсаслы тәмиринин) мәгсәдәујғунлуғунун мүәјјәнләшдирилмәси, дини тәјинатлы әдәбијјатын, әшјаларын вә дини мәзмунлу башга мәлумат материалларынын сатышы илә бағлы тәлиматлар, дини тәдрис мүәссисәләринин фәалијјәтинин тәнзимләнмәси гајдалары һазырланыб: “Дини маарифчилик ишинин әсас формаларындан бири кими шәһәр вә рајон иҹра һакимијјәтләри илә тәһсил оҹагларында, ҹәзачәкмә мүәссисәләриндә вә башга јерләрдә кечирилән семинар-тренингләр, тәсисчиси олдуғумуз гәзет вә журналын, еләҹә дә диҝәр чап мәһсулларынын әһали арасында јајылмасы, һәмчинин диҝәр гурумларла бирҝә ҝерчәкләшдирилән габаглајыҹы тәдбирләр шүбһәсиз ки, өз мүсбәт тәсирини ҝөстәриб”.
Диггәт: Хәбәрдән истифадә етдикдә мәнбәјә истинад лазымдыр
