Һарриет Шервуд Инҝилтәрәдә нәшр олунан “Ҝуардиан” гәзетиндә јазыр: “Исраил режими Инҝилтәрә дә дахил олмагла 10 Авропа өлкәсиндәки сәфирлијинә ҝөстәриш вериб ки, һәмин өлкә вәтәндашларындан 1000 нәфәр ишә ҝөтүрмәклә онлары Исраил режиминин һамиси олан сијасәтчијә чевирсинләр вә бу јолла иҹтимаи әлагәләрини ҝүҹләндирсинләр.
Бир мүддәт өнҹә Исраил ХИН-дән бу өлкәнин сәфирликләринә Авигдор Либерманын “Исраилин Авропада мөвгејинин ҝүҹләндирилмәси” илә бағлы јени ҝөстәриши дахил олуб.
Һарриет Шервудун билдирдијинә әсасән, Либерман тәәҹҹүб доғуран ҝөстәришләриндән бириндә сәфирликләрдән ҝәлән илин јанвар ајынын орталарынадәк 1000 нәфәр Исраил тәрәфдары сечмәји тәләб едиб. Тәһлүкәсизлик органларындан олан бир мәнбә бу инсанлары “Исраилин месажларыны гәбул едәрәк халг арасында јајан достлар” кими јад едир.
Авропанын 5 пајтахты халгла Исраил арасындакы мүнасибәтләрин јахшылашдырылмасына хидмәт едәҹәк
Сечиләҹәк шәхсләрин јәһудиләр, мәсиһиләр, университет тәләбәләри вә журналистләр арасындан олаҹағы еһтимал едилир. Бу шәхсләр сионист рәсмиләр тәрәфиндән тәлиматландырылараг халг арасында вә мәтбуатда Исраил режимини тәблиғ едәҹәкләр.
Мәгаләдә Исраилинөз планларыны беш Авропа өлкәсиндә даһа ҝениш һәјата кечирәҹәји билдирилир. Бу беш пајтахт Лондон, Парис, Берлин, Мадрид вә Ромадан ибарәтдир. Онлар бу шәһәрләрдә лоббиләр јарадараг онларын мәнафеинә хидмәт едән ширкәтләр вә тәшкилатлары малијјәләшдирәҹәкләр.
Исраил муздурларынын диҝәр вәзифәси Иранда инсан һагларынын позулмасыны тәблиғ етмәк олаҹаг
Јухарыда гејд олунан тәшкилатларын вәзифәси Исраилин сијаси месажларыны бүтүн дүнјаја јајмаг, о ҹүмләдән Исраилин Фәләстин Мухтаријјаты илә апарылан данышыгларда компромис мөвгедә олдуғуну тәблиғ етмәкдир. Исраил режиминин мөвгејини ҝүҹләндирән мәсәләләрин, мәсәлән, технолоҝија вә туризм саһәсинин ҝенишләндирилмәсинин дә нәзәрә алынмасы онларын планларындандыр. Онларын диҝәр вәзифәси мәнтәгәдә диггәти Иран вә Әрәб өлкәләриндә инсан һагларынын позулмасына јөнәлтмәкдир.
Ишғалчы Исраилин ХИН гәрара ҝәлиб ки, бу өлкәнин Авропадакы сәфирликләри һәр ај мәрасимләр тәшкил едәрәк бахыш кечирмәк үчүн нүфузлу инсанлары ишғал олунмуш Фәләстин торпагларына апарсын. Либерман јахын заманларда Авропадакы сәфирликләрини зијарәт едәрәк онлары үмуми агрессив дипломатијаја тәшвиг етмәк нијјәтиндәдир.
Шервудун дедијинә әсасән, исраилли бир рәсми бу һәгигәтләр һагда ачыглама вермәкдән чәкинәрәк дејиб: “Тәбиидир ки, биз һәр заман әлагәләримизи ҝенишләндирмәјә чалышмышыг. Һәмишә Исраилин бејнәлхалг рабитәләри зәмининдә ниҝаранчылыг олуб. Бу ниҝаранчылыг бир нечә Авропа өлкәси илә мүнасибәтдә даһа ҹиддидир.
Мәгаләдә Исраил рәсмисинин өз сөзүнүн давамында белә дедији билдирилир: “Исраил бундан өнҹә дә “Һасбара” (лүғәтдә “изаһ етмәк” әмәлдә исә үмуми дипломатија вә тәблиғат мәнасындадыр) адлы бир програмла өз әлагәләрини ҝенишләндирмәјә чалышыб. Бу режим Гәзза әһалиси әлејһинә 22 ҝүнлүк мүһарибәдә өз Милли Тәһлүкәсизлик Хидмәти васитәси илә һәлледиҹи месажларыны дүнја әһалисинә чатдырмаға сәј ҝөстәрирди.”
Иҹтимаи рәј формалашдырылмасы вә интернетдә сионист режимин тәблиғи үчүн хариҹи ширкәтләрдән истифадә
“Ҝуардиан” гәзетинин јазары билдирир ки, Исраил режиминин табечилијиндә олан силаһлылар вә сәфирликләр “Тwиттер”, “ФаҹеБоок” вә “ЈоуТубе” кими сосиал шәбәкәләрдән истифадәдә олдугҹа пешәкардырлар. Инҝилтәрәнин тәһгигат вә рабитә мүәссисәси олан “Биҹом” вә “Исраилин АБШ-дакы лајиһәләри” кими тәшкилатлар мүстәгил фәалијјәт ҝөстәрдикләрини иддиа етсәләр дә, һәр заман Исраилин мәнафеләрини изләјирләр. Онлар ишғал алтында олан Фәләстин торпагларындакы журналистләр үчүн лазым олан шәраити јарадыр вә бу торпаглара сәфәр етмәк истәјән журналистләри һәртәрәфли тәмин едирләр. Һәтта “Гуардиан” гәзетинин журналистләри нимајә олунур.
Диҝәр өлкәләр арасында да үмуми дипломатија үсулундан бәһрәләнәнләр вар. Руанда бир мүддәт өнҹә Лондонда фәал ширкәтләрдән бирини сатын алмышды ки, ширкәт бу дөвләт һаггында мүсбәт фикирләр сөјләсин. “Белл Поттинҝер” адлы бу ширкәтә Инҝилтәрәнин сабиг баш назири ханым Теччерин мәсләһәтчиси Лорд Билл рәһбәрлик едир. Ширкәт Шриланка вә Мадагаскарын да нүмајәндәлијини өһдәсинә ҝөтүрүб.
Сионист режими гејри-гануни мүһаҹирләри һәбс етмәк үчүн ишғал олунмуш Фәләстин торпаглары илә Мисир сәрһәди јахынлығында 10 мин нәфәрлик тутуму олан бина инша едиб. Исраил бир мүддәт өнҹә бу сәрһәддә дивар тикинтисинә башлајыб. Дејиләнләрә ҝөрә Африка сәһраларындан һәр ај 1200-дән 1500-дәк мүһаҹир ишғал олунмуш Фәләстинә дахил олур.
Ишғалчы Исраилин баш назири Бенјамин Нетанјаһу дејиб: “Мүһаҹирләрин Исраилә ахыны бу өлкәдә ишсизлик тәһлүкәси јарадыб. Биз бу гејри-гануни мүһаҹирәтләрин гаршысыны алмалыјыг. Чүнки бу просес Исраил үчүн олдугҹа тәһлүкәлидир.”
